قرو الغسيل وحوله الزير منصوب منولٍ للشرب واليوم ما فيه راح الزمان اللي مضى فيه مطلوب واليوم محدٍ يشرب اليوم صافيه اجيال تغنى والاواني على دوب تبقى مع الذكرى قديمه معانيه حمد عبدالله الوايلي - حوطة سدير زير وقرو من أجل المصلين واللي سعى للخير لا بد يلقاه لا واهني اللي على الخير ساعيه أجر وثواب وحقق الله مسعاه في جنة الفردوس يا رب راجين هذا من الذكرى محدٍ بينساه محمد عبدالعزيز الخنيفر - أشيقر صورة بها من ماضي الوقت تذكار زيرٍ وحوض غسلٍ يشبه مغسله وحوضٍ صغير المي من فتحته نثّار ورجلٍ يحاول حل أساس المشكله وللكل بالصوره بصيره وتفسار وذي رمعتي مع فكرتي للمسأله صفحة خزامى تحمل ألغاز وأشعار وصوره تبي تعليق عبر الفكس يحمله سعود عائش الحربي - جدة زير ومغاسل من صناعة إيديهم منحوتةٍ مظبوطةٍ ماء بها ميل اشرب وغسّل وانت منهم وفيهم ذا شغلهم مع كدهم والغرابيل ماجتهم الطفره وحطت عليهم ولاجتهم الثروه وبيع البراميل عبدالكريم النغيمشي - لوذه جدد وضوئك من المدي بموية البير وسيلةٍ في سابق الوقت ترتاد واشرب قَراحٍ باردٍ بجوف ذا الزير راعيه للسقيا على الخير معتاد في كل كبدٍ رطبة ابشر بخير ان كان يشرب ماء او يأكل الزاد سعود عبدالعزيز الهزاع - نعام هذا فضل أجدادنا بذيك الأزمان تخدم ضيوف الله لا جوا يصلون هم يبذلون الجهد وللخير عنوان ياما من الخيرات والأجر يلقون الماء نشوفه بالقرو دوم مليان ما قصروا ياما على الخير يسعون ريان محمد الخنيفر يومه توضأ سدها بالسداده من مغسله ماضي عليها ماضي والزير جنبه سابق البراده والماء على الخارج برجله خاضي هذا الولد يعشق تراث أجداده لو كان بالتجديد عايش راضي احمد السمحان - الزلفي اللهُ أكبر يا زمانٍ لنا فات القرو فيه الماء ويقضي اللزومي منحوت من صخرٍ على شان حاجات ما ينحته يا صاح غير العزومي والزير به ماء بارد وفيه لذات يروي العطش لوصرت وسط الحزومي إبراهيم الرشيد - الرياض نرحب بمشاركاتكم الشعرية وما تلتقطه عدساتكم من الصور الهادفة والطريفة.. على إيميل الخزامى: [email protected] أو الفاكس رقم: 0114871070 صورة العدد السابق
