بيت وصدى

كان بيت الأسبوع الماضي معد الزاوية حول ظاهرة انتشار القصات الغربية في الملاعب السعودية ومنها القزع والتي تنافي ديننا وعاداتنا وتقاليدنا وهؤلاء اللاعبون هم قدوة للكثير من شباب الوطن والبيت يقول:
صار القزع وسط الملاعب طبيعي
والنار تبدا ياعرب من شراره
وكانت الاصداء من الشعراء حول هذا البيت:
يانجم يالاعب لزومٍ تطيعي
قصة قزع والله ماهي نظارة
الدين وصانا وخلك رفيعي
واهتم في لعبك بفن ومهارة
"وانت الحكم أصدر قراراً سريعي
واللي قزع كرت حمر هو ثماره
عثمان ابراهيم الرشيد - الرياض
وحول القزع جلدِه صلخ لِه لميعي
في راس لاعب مايقدّر شعااره
وين انت يالمسئول وين الجميعي
وين الحريص الليّ إ بقلبه نعاره
الوضع في حاجه لحل ن سريعي
مِحتاج حزم اوحسْم منع او خفاره
فهد بن عقيل الطويان - بريدة
من لا يطيع الشور فعلً يضيعي
خسارته عليه واكبر خساره
المشكله لامن نصح مايطيعي
حنا نصحنا ونصيحه اشاره
ان طاعنا ولا الفضاء له وسيعي
ليته يصلي ركعتين استخاره
سعد صنهات السهلي - الدرعية
هذي نصيحة لوالده لو يطيعي
يبدأ بنصح ابنه ويصدر قراره
لا يخالط أهل الشر وبعده يضيعي
وراعي القزع منبوذ ولا له وقاره
هذا الوطن معروف دايم رفيعي
منبع رجال الدين ومنبع خياره
محمد عبدالعزيز الخنيفر - أشيقر
بعض المظاهر بالملاعب رفيعي
والبعض الاخر عاده في خسارة
قصات شعر راس بئس الصنيعي
مثل القزع في راس ﻻعب دمارة
متشبه بالغرب خايف يضيعي
هذا السلوك الشين ماهو حضارة
عبد المحسن المحيسن - رياض الخبراء
لا تسن سنة منتقدها الجميعي
من قلدك حتماً تنقل اوزاره
خصٍ لمسلم سلمكم لا يضيعي
لا تقلّد الغربي وتتبع مساره
السبايكي والعرف و باسما تضيعي
وقَصة تشابه من لبس له غضارة
سعود بن عبدالعزيز الهزاع - نعام
بعض الشباب اليوم دايم وجيعي
همه يقلد كل صاحب سفاره
ﻻمن تشوفه والله انه فضيعي
منظر غريب ماهو منظر حضاره
واليا نصحته ماتوقع يطيعي
ودك نظام يشمله مع قراره
حمد عبدالله الوايلي - حوطة سدير
من وين تلقى لك بصير سميع
يفرض أمور تتبع في قراره
وليا توفر لك شباب مطيع
الجهد ما يذهب ضياع وخساره
تقليدنا للغرب أمر شنيع
لكن عادات العرب به نماره
علي رشيد الرشيد-رياض الخبراء
هي هات يا سلمً تلاشى صريعي
وقت القروم اَلي مضى يا خساره
جيلً على التقليد حرص وسريعي
على الترف منشاه ولا ضيق زاره
الله يهيئ له صلاح و يطيعي
والدين عامر بالعلم والحضاره
خالد بن عبدالله الصفيان - الرياض
وليا بدت تاكل حطبها سريعي
وشبابنا هم الحطب باخساره
يابن العرب الامر جدا فضيعي
سم زرع لبن العرب في دياره
ما يطاوع الهزلين كود الوظيعي
خير البشر حنا ومنا خياره
بدر الحزيمي
من جنب دروب الفضيله يضيعي
ومن يتبع الغاوين كسبه خساره
الواجب اعمل قدما تستطيعي
ل مح وقيل الحر يفهم لشاره
عن الوادعه ما يغفل الوديعي
والنفس جاهدها بعزم وشطاره
غنام مسعود القريني - نعام
ترا القزع يا ناس فعلن رجيعي
ونترك سلوم ما بها الا الخسارة
شبابنا معروف دايم مطيعي
ولا يطاوع أهل الشر وأهل القشارة
ولأجل النصيحة دايم انه سميعي
يجنب دروب ما بها الا القذارة
ريان محمد الخنيفر - الرياض
بيت الاسبوع
يكتبه للصفحة حمد عبدالله الوايلي من حوطة سديرحول خصلة ذميمة شائعة في المجتمع لدرجه انها اصبحت مؤرقة ومذمومة وهي مسألة الحسد وإثارة الفتن والمشاكل والعياذ بال..له
والبيت يقول :
سود القلوب مولعين الفتايل
شبابة الفتنة على غير داعي
نستقبل صدى هذا البيت بثلاثة أبيات فقط تدور حول هذا الموضوع ويفضل الإرسال عبر الإيميل:
rb-khozama@alriyadh.com
أو على الفاكس 4871070/ 011
ونرحب بطرح بيت الأسبوع وهو من اختيار الشعراء وفي اي موضوع يختاره الشاعر..