أعشقك وأغليك

يضوّي نورك دروبي واسعد دوم بلياليك
وتظلم يابعد عمري سماء دنياي بغيابك
ملكتي قلبي المغرم وأصبح لعبةٍ ف يديك
ولايهوى ولايعشق سوى إلاّ حضرت جنابك
أحبك وان تغليتي علي، زود أعشقك وأغليك
عليك الله يا كِل الغلا لا تغلقي بابك
نسيت أنساك واتذكرت باني ماني إبناسيك
نسيت الكل إلاّ انتِ أحبك موت واحيا بك
هويتك كثر ماسمعي سمع واستمتع بطاريك
عشقتك لين صرت أعشق معاك أهلك واحبابك
أمانه ماتطاول قامتك هذي ولا هاذيك
تباهي وحدك انتي بالجمال اللي تباها بك
نظمت بْحسنك أشعاري وياليت الشعر يوفيك
أخاف أني أقصّر واعتزل الاشعار باسبابك
يجي ويزورني طيفك وياخذني الهيام إليك
واجي لك عاني أتمنى أنال رضاك وإعجابك