ماهو رفيقي من حكى بي وعذرب بي اللي بسووه حكى بي عند رفقانه ولاجيت مقبل تبسم لي ورحب بي ولا اقفيت عنه يذم ويرخي بطانه وش هالرفاقه على الوجهين يلعب بي ولاشافني ماكن عذرب بي لسانه مايدري ان العلم لو طال متخبي ولو طالت الايام يوصلك تبيانه كلن على الترباه وشف كيف متربي واحكم على الرجال لا شفت صدقانه ويغنيني الله عن اللي بالخفا يسبي ماريد خوة قاصر الهرج واعوانه واللي يغيظه قاصر الهرج ويعبي ويجيك متحاشي من اللي تسمع اذانه لاتجادله بعض الجدل مابه الطبي وكثر الحكي لا زاد يكفيك حقرانه اترك ضعيف النفس ويعوضك ربي لاتصير نفسك على خوته شفقانه وعش في زمانك حذر وفاطن ومتنبي وكلن عطه حقه وقدره بميزانه ومن لا يخاف من جرة الداب ياقلبي يسقيه سمه اذا كشر بنيبانه عبدالله بن صبيح الشراري
