سبحانه الرحمن ما فيه غيره ما خاب له بالدجى يرفع إيديه مصخّرن هالطير يطعم صغيره شاله بمنقاره على الشبك يعطيه وبعض الأوادم تايهٍ في مسيره لا نافعٍ نفسه ولا النصح موحيه فهد بن عقيل الطويان - بريدة يا زين منظر ذا المطايير فالشبك عن قرب صوّرتوا عيال العصافير لو هو كبير وواحدٍ كان عذبك ما تصوّره الا بجهد ومشاوير لكن هالطيرين بالفعل تعجبك صغار وبراءة باديه توها تطير سعود بن عبدالعزيز الهزاع - نعام هذا الحنان اللي من الطير شفناه الأم تهنى دام يا كل صغيره تتعب ولا ترتاح هذي سواياه هالحال دايم كل يومٍ نسيره تلاحظ صغيره دايم ما تعدّاه حيث الطيور الجارحة هي خطيره محمد عبدالعزيز الخنيفر - أشيقر الطير يفزع لمثله على شبك شافه من بعيدٍ وجا فازعٍ له الفرخ جايع صوص صار يتحرّك الزاد جاله وهو في محله الناس ما تنفع وريطٍ ومنك الطير للصاحب لجوعه يحله عبدالله الحامد الشريف - الدرعية الله واكبر صورةٍ كلها روح وش علّم العصفور يطعم عياله عصفورةٍ صادت فراشة من الدوح تبغى توكّل فرخها ترحم بحاله الفرخ توّه بسيبيس مملوح يفتح منيقيره ترى الرزق جا له عبد العزيز الصالح - القصب اليوسفي مبدع وفنان تصوير مشهد فريدٍ فيه روعه وتحنان يا طير هيّضت الدموع وتفاكير في لحظةٍ عشت المآسي والأحزان بشائر القحطاني - الرياض عصفورةٍ تعطي ولدها تغذّيه هذا هو الطير وأنتم تعرفون تشفق عليه اليوم ما هي تخليه أمٍ عطوفة يا هل العرف تكفون البرّ واجب يا هني من مشى فيه خذوا العبر يا ناس حذرا تغفلون ريان محمد الخنيفر - الرياض يا بنت عصفور صورتك وأنتي على الشبك مشغوله على الجماهير عرفتك ونبي تعاليق معقوله وصغيرك إلى سمع صوتك جوعان والنفس معلوله حمد عبدالله الوايلي - حوطة سدير طيرٍ حنونٍ والمعيشة يجيبه طيرٍ صغيرٍ واقعٍ بين الاشباك يفرح بلقمه ياكله يغتذيبه ذي لقمةٍ يا طعمها ربي اعطاك طيرٍ كريمٍ لازمٍ نقتديبه والبخل شينٍ وافهمْ العلمِ اليا جاكْ إبراهيم البليهي - الشماسية صورة العدد السابق
