وقفات أبو فيصل كبار وعديدة

ذيعي يا ذاعة وكتبي يا جريدة
مشاعري جاشت صدا حزن وافكار
مشاعرن مبدا عزاها قصيدة
عزاء لكم يا سادة الشعب والدار
وأهدي لنفسي من عزاها وعيده
لابنا الوطن فخر العروبه هل الكار
في خادم البيتين فزعت حديده
فهد لايا قالوا فهد والزمن جار
يا الله يا كاتب لنا ما تريده
يا عالم ما في الضماير من أسرار
يا الله يا معطي الصفات الحميده
صفوت قريش اهل النبوه والأبرار
يا ربنا المعبود وإنا عبيده
بمرك تصاريف الليالي والأقدار
أرجيك يا من دبرت الكون بيده
تحرم جسد فهد العروبة على النار
ترحم فقيد الشعب وأكبر فقيده
فقداتن يبكونه اكبار وصغار
عطفه لهم رصخ غلاه ويزيده
ويبقا مدى التاريخ للعاهل البار
غيث الوطن خادم بيوت العقيدة
رشيد راي وفالمهمات مغوار
المملكة من نفح جوده فريده
سعى لنهضتها بتعليم وعمار
وقفات ابو فيصل كبار وعديده
للعرب والإسلام في كل الأقطار
وان عاندت روس الطغاه العنيده
يحل ما بروس لو صار ما صار
له كلمه تحسب ونظره بعيده
فخر العروبه هيبته واف الاشبار
رحل عسى مدة يمينه تفيده
في جنة الفردوس من ضمن الأخيار
وعسى عوضنا فبوفيصل عضيده
عبدالله الوافي ذراء كل محتار
ملاذ شعبه فالسنين الشديده
مدت يمينه باتله سر وجهار
وفقك ربي في الامور الجديده
ارجيه من منشي هماليل الامطار
ويمد في عمرك سنين مديده
ويحميه من صكات بقعاء والأشرار
يحفظك ربي للوطن يا رصيده
ويحفظ ولي عهدك لنا نسل الاحرار