زعيم المسلمين

لاعاد علم جاء ضحى يوم الاثنين
اعلن به التلفاز قبل الجريده
قالوا توفى زعيم المسلمين
حسن السجايا والصفات الحميده
فقيده يبكيه الأقصى والادنين
فقيده مافيه مثله فقيده
يبكون لفراقه الوف وملايين
من قرب وايضا من بلادن بعيده
يالله ياقابل صلاة المصلين
يامنشي ارداف المزون السديده
يامنزل صورة تبارك وياسين
في محكم القرآن على عبيده
ياعالم اخفاف وثقال الموازين
يوم ان كل ماله الارصيده
يجعل مكانه مع هل المنزل الزين
في المنزل اللي فيه صفه جديده
في صفة الفردوس مع حورها العين
ينعم بما فيها وروحه شهيده
هذا الفهد سلطان كل السلاطين
فريد في العالم اوصوفه فريده
ريف الارامل والضعاف المساكين
دايم لكل الشعب مبسوطه ايده
وايضا لا تنسى التوسعه في الحرمين
تاريخ ناصع والزمن ما يبيده
يفوق ميزانه جميع الميازين
ولايمشي الا مع اصول وعقيده
مبذل جهوده في قضيه فلسطين
ياكم وياكم من مرارن عديده
اقفى ومن بعده رجال ميامين
امرويت روس الرهاف الحديده
يعيش ابو متعب كعام المعادين
زومان لطام الخشوم العنيده
راسي وقاسي لينن مع هل اللين
حلحيل حلال الصعاب المكيده
يحب شعبه وله شعبه محبين
حب ولاء واصرار فيما يريده
ولي عهده للمراجل عناوين
سلطان علم يفرح الشعب عيده
مكارمه تستذخره للمستحقين
يعطى العطاء للمستحق ويزيده
وبقيه الاسره نوادر شياهين
الكل منهم درع اخوه وعضيده
مقداهم عالي على الراس والعين
يصعب علي تحديدهم في القصيده
اعيال ابوتركي صعوط المجانين
اللي طرد عنها الوجيه المريده
وستل سيفه في جميع الميادين
واعاد تاريخ العصور التليده
وحد بلاده عام واحد وخمسين
وقال السعوديه بلادن سعيده
واليوم واحات وزهور وبساتين
هذا الحقايق والصفات الاكيده
الشعب واحد للطلب مستعدين
ولاقفه الا في الليال الشديده
وختامها صلوا على ناشر الدين
شفيعنا يوم البعث والوعيده