صقر السياسة

قال الذي في يوم الاثنين ما نام
والعين عيا لايجيها نعاسه
مرحوم ياللي للمهمات مقدام
ومصالح الشعب السعودي احساسه
ياخادم البيتين في كل الايام
يالله عسى الجنه غطاه ولباسه
يا ناصر الدعوه ويا معز الاسلام
يامقدر أهل الحق وتعز ناسه
يا لله يامنزل تبارك والانعام
تعز منهو طال المجد راسه
تعز منهو طايل المجد عزام
تعز أبو متعب صقر السياسه
يخدم هل السنه ويلزمبها الزام
حكمه فريد وقوته قوباسه
وليا حصل بالقول قالات وخصام
رده سريع وما يبيلها دراسه
ومن منجزات المملكة فصل الاتوام
فضلاً على العالم صعباً قياسه
إنجاز لايحصى ولايعد بارقام
وعدوكم من فعلكم زاد ياسه
وسلطان ياعز الارامل والايتام
غيث سقى عروق الشجر عن يباسه
أبو الحساني والمكارم والاكرام
ياعز ما عوزاً يجيه التماسه
يشفق على شعبه وللضد لطام
ويسقي عدوه بالوغي سم كاسه
أبوك وصل الغرب والشرق والشام
وصل الجنوب وغب الابحار داسه
حكاماً آل سعود عاماً بعد عام
اليا حكموا بالعدل هو والفراسه
والحكم ماجاهم بيقضات واحلام
جاهم بحد السيف والعدل ساسه
وان جدد البيعه لكم دوم حكام
حب الوطن مغروس فينا غراسه
وحنا لدين الله جنوداً وخدام
ومن لايصون العهد يلقى التعاسه