إذا شفت البحر والموج زادت عندي أشواقي

با اكتب من بحر حبك قصيدي يا بحر جده
ترانيم الغرام اللي تلاطم وسط الاعماقي
ثمان سنين ياشاطي وانا صبري وصل حده
إذا شفت البحر والموج زادت عندي اشواقي
تذكرت السنين الماضيات وطالت المده
وسالت دمعةٍ من فوق خدي غصب تنساقي
ذكرته يوم انا واقف وتمسك يدي بيده
ذكرته يوم قال فراق مثلك صعب ينطاقي
ذكرته يوم يضحك والخجل ورد على خده
ذكرت العين والمبسم وزاد بزين الاخلاقي
ذكرت ولا ذكرت اللي خذاه الوقت مارده
ولو اقضي حياتي بحث صعب لمثله الاقي
كرهت العطر والشمعه وقلبي مل من صده
كرهت المزح والضحكه وصدري بالوجع ضاقي
عزايه يابحر صبري على جزره على مده
عزايه لا ذكرت امصافح الكفين (...)
ثمان سنين يا بحر الغرام ويا بحر جده
وانا احس الغضى جمره كواني داخل اعماقي
تجمّل يا بحر لن جاك ذاك اللي زهى خده
توصل له سلامي يا بحر مع كثر الاشواقي
ترى خلي أذا شفته ولا حد بالحلى قده
ترى حبه رومنسي يا بحر باسلوبه الراقي
تحمّل يا بحر تجرح شعوره وان زعل هده
تراه ان شاف موجك يا بحر يذكر ويشتاقي
نشمي بن مقعد العتيبي