شاعر وقصيدة

يصور الشعراء لمحات خيالية لسعادتهم ولمعاناتهم بطرق وآفاق خيالية جميلة تجذب القارئ للشعر وتعطيه انطباعاً جديداً في الاستمتاع بالشعر وذلك بنهج واسلوب الشاعر الذي تطرقه ومن هذا ما نقل لنا احد محبي الشعر قصيدة للشاعر جوهر الحربي حيث كان له قصيدة مميزة باسلوبه العذب وتصويره الجمالي والترابط مابين ابيات القصيدة حين يقول::
حرب النجوم وحرب تسليط الاقمار
وسلاح ناسا بالزمان الصناعي
وخطة برامج حرب تدمير الاقطار
اللي بها ضاعت جميع المساعي
وش عاد مهما تحرق الناس بالنار
كلش ولاحرب العيون الوساعي
سود العيون اللي بها العقل يحتار
منهن وفيهن مستمرٍ صراعي
بين الظواهر والبواهر والاسرار
حاولت اعرف اسباب حق انتفاعي
ويوم طعنتني بالهدب والشذى ثار
سلمت وانهارت وسائل دفاعي
قالت علامك شارد الفكر محتار
قلت انتظر تفسير سر انطباعي
والله مدري ياسناء البدر وش صار
في حالة اللاوعي لو كنت واعي
اشعر ولا اشعر والمشاعر والاشعار
ضاعت وضعت ومن عيونك ضياعي
طمن عيونك قبل الاعصاب تنهار
واقصر نظرها واستمع لاتراعي
لاتنزع الخافق ترى خافقي طار
بين الظلام وبين حد الشعاعي
نظرات وحكايات واظهار واضمار
واسرار وستنكار من غير داعي
انت اندفاعي بس انا كنت صبار
والااللقاء صار اندفاعا جماعي
تبغى الكلام اللي وراء حد الانكار
انا الذي من يدك صرت اندفاعي
والله ما ذكر لك تفاصيل مادار
الا يمينك يوم تلوي ذراعي
مجرم ومع سبق الترصد والاصرار
رغم انك اكبر عاطفي واجتماعي
حلمٍ بقى مع طلعة الشمس تذكار
والحمد الله كنت قد امتناعي
صار اللقاء اللي صار في حكم الاقدار
وطويت من عقب المتاعب شراعي
جيتك بعد صبر وغرابيل واسفار
ولقيت غاية رغبتي واقتناعي
وش هالجمال اللي تقاسيمه اطوار
ماله مع اهل الكون غير انت راعي
المفردات تغادره سر وجهار
والصمت يلقى فيه كل الدواعي
حدثت به للشمس والماء والازهار
والريح ونجوم الفضاء والمراعي
وابلغت فيه الخمس واعطيتها اقرار
واعلنت له فصلٍ جديد بنزاعي
سلمت تسليم المهاجر للانصار
فيما تراه وقدر ما تستطاعي