هم الأمة

عساها يابو فيصل طهور لك من الباس
وعن كل مكروه من نفوس ضعافي
وعسى الله يبلى كل حاسد يضر الناس
عسى كيده بنحره ولا يشفيه شافي
اقولها من مشاعر ومن قلب واحساس
عسى الله يطول عمر مليكنا الوافي
راعي الوقفات لمن صار الوضع حساس
دون جيرانه وشعبه يزيل الخلافي
بوجهه وجاهه وماله وبالناس للناس
له موقف لا وقف بين ماهوب خافي
فهدنا سندنا سعدنا لاهب نسناس
ذرانا حجانا سترنا درعنا الضافي
عايشين بضله بعز ورخاء ونوماس
فوق هام السحب رفرف العلم واستطافي
شايل هم الأمة موقفه يرفع الراس
بالسياسة والدراسة وبين وخافي
يزرع الإسلام في كل ديره له اغراس
حاكم بسيف العداله ومن الله يخافي
تشهد بفعله مذاهب وملات وأجناس
ويشهد الكتاب المنزل القرآن كافي
ملكنا خادم البيتين ومثبت الساس
عساه يدوم ويبقى لنا الطيب الوافي
عايشين بضله بعز ورخاء ونوماس
فوق هام السحب رفرف العلم واستطافي
بندر جلبان القرقاح القحطاني