ضايق صدر خلك من الشوق محروق

يا هاتفي ما ظنتي تعرف الشوق
اللي يعرفه بس بعض الخليقه
اللي لهم بالقلب مقدار واحقوق
واغياب واحدهم يسبب حريقه
يا صاحبي قدرك عن الغير مفروق
عهد المحبه في خفوقي وثيقه
ما نلحقك بالطيب يا قمة الذوق
يالصاحب اللي ما يخيب صديقه
ضايق صدر خلك من الشوق محروق
و العالم الله بالقلوب الرقيقه
الطيف و الذكرى مع ابيات واطروق
تزهم على الرجال في وقت ضيقه
هاذي سنة هجران ما جفت الموق
و النفس ضاقت والمدامع غريقه
هي وينها يا صاح من تشفي العوق
قولوا لها مغليك ضيع طريقه
قولوا لها تكفون فالصوت مخنوق
قولوا لها حلق الرجا جف ريقه
خلوه يرحم من من الطين مخلوق
حده زمانه حمل ما لا يطيقه
اللي هقا الفرقا أكم يوم واتروق
مير انها طالت وصارت حقيقه
يا صاحبي لو هاتفي يعرف الشوق
ان كان شبت فالرسايل حريقه
حمزة الهاشمي