مراسيم دعمه للوطن تشرح البالي

الا يا الله اني طالبك يا عزيز الجاه
توفق ملكنا يا عليماً بالاحوالي
ملكنا ملكنا اللي نحبه ولا ننساه
على الشعب غيث للوطن درع وظلالي
أبومتعب اللي بالوفا ما خبر حلياه
له في سنام المجد والعز منزالي
فخورٍ بشعبه والمواطن يحب رضاه
ودامه بخير بلادنا حظها عالي
عسى الله يديمه للوطن والوطن بحماه
وحنا جنوده كان جور الدهر مالي
يسجله التاريخ صفحات للقراه
صروح البنا تبقى على مر الأجيالي
خدم بيت ربه وأمّن الزاير اللي جاه
وعلى راحة الحجاج مرخص للأموالي
يخدم المسن اللي مودع هله وابناه
يجي فالبلد غالي يعوّد وهو غالي
على خدمة الحجاج ما قدمه يلقاه
ولي أمرنا يالله عسى سنينه اطوالي
أبومتعب اللي تفعل الطيب يمناه
مراسيم دعمه للوطن تشرح البالي
مليكاً كريم عادلٍ كلنا نفداه
كريم لشعبه بالعطاء ماله أمثالي
سعود بن بدر بن شبيب المقاطي