أعماله أفعال أفعال مشهورة وميثاقي

يا ليت نايف على أرض المملكة باقي
موته فجيعه وكل الشعب مفجوعي
الحاكم اللي عليه القلب مشتاقي
شفت الخبر بالجهاز وهلت دموعي
عزالله انه بطل مؤمن وعملاقي
وله بفعل الجمايل دور ورموعي
عهده عهود السعد تاريخ ووفاقي
عهدٍ على ضربة الارهاب باتوعي
وبزمرة الشر معه ارماة تفاقي
ماصٍ حمر بأنحر الأشرار مدفوعي
فيئات ضلت ورادت غدر ودراقي
تجاوزت كل ما بالبشرع ممنوعي
من راس عبدالعزيز وحكمه الواقي
قضى على الجهل ما مثله ولا دوعي
باذن الولي جا بعدل الحق منساقي
بالسيف بتار جعّال الصعب طوعي
والحب فالله وبالله شوق الأعماقي
نحب نايف وحب الجد مشروعي
أميرنا فالشدايد والرخا راقي
وعن الصطر والظفر مهوب مخدوعي
بأعماله أفعال مشهورة وميثاقي
نقّاض فتال رأي منه مسموعي
عن حد شعبه يسدأ فتوق ورواقي
شعب معه فاللزوم أفراد وجموعي
بطل العروبة بحزم وعزم تواقي
على الهدى والقدا والرأس مرفوعي
نايف سياسي محنك صقر صفاقي
صقرن يصوع الوثن وأتباعهم صوعي
لاهاض بالي كتبت اسطور بأوراقي
شاعر وعبر عن اللي داخل اضلوعي
والخاتمه ذكر معبودي وخلاقي
اللي له المسلمين أسجود وركوعي
محمد فهيد الحويدر السهلي - الدرعية