همسات الخفايا

غَمرة الياس المبجّل.. معمعة حزنٍ أليم
دقّت اجراس المشاعر ..وارتجف قلبي وخاف
خفت من شيٍ تخلل خافقي مثل النسيم
انعش احساس المحبه وارتوى عقب الجفاف
وارسل انوار الأماني في سما كونه عتيم
بدد الوحشه بدربي وازهق ايام ن عجاف
رَتّق جروح ٍ بصدري ... طيّب القلب الكليم
ايقظ اطفال المسرّه تنسج لقلبي شغاف
تعزف الفرحه بنبضي ... شكلت منه سديم
تنتج نجومٍ تباسم لي برقه وإتلاف
مادريت ان الصبر في آخره دنيا نعيم!!
لين ماشفت المواجع هاجرتني في رواف
لين ماحلمي تناما بين اشلاء الهشيم
بيده زهور الموده ... تنتظر وقت القطاف
يطلق اسراب العنادل ,,, يملا اجوائي رنيم
تبعث ورود المشاعر عطرها الزاكِ اعتراف
عقب ماكانت تعاني قسوة الحزن اللئيم
اصبحت ترسم معالم شكلها نهر وضفاف
ارتوت صفر المشاعر من نبع صافي سليم
ترتشف كاس المحبه صادقه منك ارتشاف
هذي همسات الخفايا جات لك ياخلّ غيم
تمطر احساسك مودّه لين تشعر بأرتجاف
العنود الشيباني