ربنا الله وحده سواه ماننحني له وشرعنا قول ربي والنبي الاحمدي ودارنا دار ابومتعب عريب الطويله طاب واقبل وطبتي يا خطى الابجدي سارعي للمعالي سارعي وانشدي له وانسبي الفضل كله لله ومجدي زان جو البوادي سبّلي وارمشي له طرزي من بياضه ملبسك وارتدي في رياض العواصم حوّلي وارقصي له ذخرك اليوم عوّد خاب ظن الردي احتبستي وانا ادرى فيك منتي بخيله وإن غزى شوق عطشا ف ابرقي وارعدي واقبضي كل حسٍ فاض واخلي سبيله من جنوب استواءه لين فوق الجدي هبّي انفاس روض اتلاقحت به نخيله واقربي ثم طيري بالنظر وابعدي للحرارير بطان وللأكابر خميله وهالة شعاع ضو ٍ صافح الفرقدي حب أبوك ومليكك لادعاك اصدحي له فوق منبر حنينك شرّفي واصعدي النبل له نبيلٍ به تفز النبيله أجودي ٍ وجوده من جواد اجودي خاطب المجد عزه خابر ٍ من سليله ضيغمي ٍ محنّك حاتمي أجردي لهكذا ماتنام ولا تهنّى الجزيله لين يسعد مخاض المعتمه بولدي غاص سبع البحور وماغرق به شليله جاف واغرق مشاعر من سرت به يدي فيه كفو لملكنا والسياده جليله لاحشا لاتونى تلني بجهدني و نقّ بالراس بن ٍ ماتعذّرك نيله خارم البن الأشقر لاحمسه يحدي دام شفت ان عيوني ف الأفق مستطيله ف ادري ان البشاره ساقها هدهدي الهمام الهمام اليوم يوم النزيله حمدلله وحده يالجباه اسجدي كلنا شوق للي عد مُلكه حليله انجبتنا نتوله والدي والدي الصغير وكبيره واليتيم وكفيله كلنا قلب بيده سابق ومفتدي من تغيّب علينا واكفخت به جميله والهوى منتظرها لجل فيها يعدي وزادت الارض دورة حب عقبه مهيله لين حطت قدمه وقالت توتدي حي شم الشواهق حي مامن مثيله حي شهم المواقف دمعتي وسعدي جيت ماجور وارحب يابومتعب عديله بألف مليون ترقى مع رقاب الهدي ارحب عداد طير ٍ فجر ليله فضيله مسهلا والف لا لا يا لا لا رددي لونقيم المحافل لك قبيله قبيله انت فضلك علينا جاد ياسيدي تاجك اللي زهابك زيده اليوم ميله مالت قلوب شعبك بالدما يابعدي يوم ضجت شعوب وكل ٍ اشفى غليله صاح فينا ودادك قايدي قايدي الولا لك وحنا للحد ننتمي له من صفا نفسك اللي بالهدى تهتدي مايضام الذي فوقه لواء ٍ تشيله ولايهان السعودي دام عرقك ندي جعل من لا تغنى بك صباحه وليله للفنا وانت عهدك جعل عمره مدي قلت يوم الله اكرم بالشفا من دعي له مرّت الأمس غيمه والسلام لغدي تهاني بن جريس
