يهزني الشوق

يهزني الشوق واذكر هزة اغصانك
يوم انها تحتريك ان طارت طيورك
تغيب عني واحس بفقدة اوطانك
ترجع واشوف الاماكن شعت بنورك
ينشف بي الريق واذكر هاطل امزانك
يرسمني الضيق واخذ فرحة سرورك
تضحك واشوف الخجل في حمرة اوجانك
تحكي واحس الحكي ينثر لي عطورك
يا مثقل كيل زين الخلق باوزانك
كلش جمعته ولا حسيت بغرورك
صرت اغبط النوم لا من داعب اجفانك
وصرت احسد الطير لو ياقف على سورك
افتح شبابيك عشقك جوك خلانك
حبي والاشواق والاحساس وزهورك
واليا وصلتك وصار الزهر باحضانك
قل لي احبك وفضفض باقي شعورك
واترك ندى فرحة كفوفي على اغصانك
يهزها الشوق لا من طارت طيورك
عبدالله سليمان العمّار - القرائن