ياللي تشيل الحمل وينك موديه مادمت برزم الدراهم محمّل حملٍ ثقيلٍ بس ليتك توطيه والناس حولك بدراهم تجمّل هادي مسفر القحطاني – نساح ضحكه بريه يختفي خلفها بوس طفلٍ حضن أوراق ربطات.. ربطات يمكن.. يمني النفس لو كانت أفلوس له حّملوه أصعب مواقف مهمات سعود عائش الحربي – القاهرة المال نعمه وأكثر الناس مشقيه ما يسعد المليون راعيه لو مات خل الطفل إليا ظما الدهر يسقيه البطن خالي لو هو بيديه رزمات سعد الحماد - روضة سدير ما قول هذا واقع أو غير معقول ما دمت ما أملك حق تغيير واقع ولا تقول المال كم يرقع إخلول وفتق الزمن ما يرقعه كل راقع فراج بن محمد القرقاح مسكين يا شايل الربطات ما تجيب لك كيس صامولي لو ان أفلوسك سعوديات أصبحت تاجر و هاموري عبدالكريم عبدالرحمن السلوم في زمان التضخم وارتفاع الاسعار يا صغير افرح غيرك مالقاها قهر مليون ليرة ما تساوى دولار ولا تسقي كبر ضميانة من ضماها محمد سعد الجروي - الرياض هذي دراهم أبو بغوها دعايات وشلون طفل ينقل البنك كله هوجست بالليره بوقت لنافات اللي على الخزنات غبن وعله عبدالله الرفيعي - البكيرية يا طفل تضحك من وجود الدراهم أوراق ما تنفع ولا تسعد الروح ما من فوايد وقلةٍ في عطاهم وما من مصالح كلها دون مصلوح ريان محمد الخنيفر - الرياض ياللي من التسوّل جمعت الملايين جمعته عقب الشقاء.. والتعب.. والخساره ما بين المساجد.. وما بين الميادين وما بين الشوارع وخليت الاشاره منصور الرحيمي - بريدة ياللي تشيل من الملايين مليون من شاف شكلك قال يا سعد حاله ما تدري انك يا أسمر اللون مغبون امزوره يمكن بطرق وحياله خالد بن ناصر المخيمر - روضة سدير يا زول حذرا لا يجيك الحرامي ينهبك ما تقدر عليه وتهابه واضن مالك ما يساوي حزامي حسابك المليون واحسب حسابه حمد بن عبدالله الوايلي يا بكر حب الدراهم غريزه بالانسان يفرح ولو هي يا بكر كوم قرطاس شف هالولد يضحك وبانن الاسنان خم الدراهم وأصبح العقل محتاس عبد الكريم النغيمشي –الربيعية يا شايلٍ مبلغ كبيرٍ من المال عدّة رزم وحسابها بالملايين من شالها مبسوط ومريّح البال رخيصةٍ في قيمته شكلها زين محمد الأطرش - رياض الخبراء أنا أشوف رجال يتبسم ومعه فلوس ويازين حظ اللي تجيله على حسابه فلوسٍ كثيره يالربع خيطها ممسوس منوة فقيراً راعي الدين طلابه حمود شاجع الخنفري - حصاة قحطان شفت الإفريقي يشيل فلوس أوهام .. وإلا حقيقية نقود وشعارها مدسوس صحيح .. وإلا خيالية غازي بن قاعد العتيبي -الدوادمي نستقبل مشاركاتكم الشعرية حتى مساء الاثنين على الايميل الخاص بصفحة الخزامى: [email protected] أو الفاكس رقم: 4871070 زاوية (صوت الصورة) ونستقبل الصور الهادفة والطريفة .. ويا هلا
