قولوا معي ياليته

يا بو فهد هايم(ن) من كثر ما جاني
يبين في الخلل لو اني اخفيته
مراحي اللي تسبب لي وبكاني
حسبي على منزل عقب البطى جيته
اجنب يمين مير القلب يعصاني
الحب القشر حداني لين مريته
آصل شعيبة ومر الوادي الثاني
كله علشانها بالرجل واطيته
الوادي اللي نزلنا فيه جيراني
اخذ ترابه على كفي وحبيته
اتبع رسوم محتها شهب الازماني
وقت فرقنا ولادري ويش تاليته
عهدي بخلي علول شهر شعباني
في عام تسعين بالميلاد عديته
اذكر عيون هدبها يحف الاوجلاني
والعنق متلول والمجدول ثانيته
والعود عشب تعله غر الأمزاني
عقب الوسامي كبير القاع ماليته
خل ليا من طرالي بعض الاحياني
مجنون ليلى لو انه حي بكيته
ليا ذكرته يجيني هم واحزاني
غصب(ن) عليه غزير الدمع هليته
اسج مسمع حكي من كان حاكاني
ابشرك لو يصيح صياح ما وحيته
لعل دار(ن) مشاها خدر الأعياني
ينبت بها العشب قولوا معي ياليته
فلاح بن جفين