عواكيس

@@ الحبيب الغالي ابو العواكيس تحية وبعد:
وش رأيك في واحد زعل من زوجته وطلقها متى توقع يرجعها.
مهند الصيخان - حي الفلاح
- بعد مضي نصف المدة!!
@@ العزيز صاحب المليون رسالة معوكس بعد التقدير
لماذا لا يوقف هذا التجريح للحكم سعد الكثيري والذي زاد عن حده.
عبدالرحمن الضويان - العليا
- اقول الله يخلف على صحفيين صاروا مثل المشجعين المراهقين وبعضهم فزع بالسمسية وهو وينه ووين الاهلي!!.
@@ عزيزي معوكس تحية وبعد:
ما أدري تتذكر يوم ماجد عبدالله شبه الحلوي كنه يسوق دباب أجل وش الوصف المناسب لدفاع النصر الحالي.
عاشق العالمي - علي هزازي العريجا
- ابو عبدالله عنده الصقور كنه حراثة اتوماتيك!!
@@ يابو العواكيس عن جد متى نشوف طختك البهية بشماغ البسام عندي احساس فيك شبه من خالد عبدالرحمن وعبدالله بالخير.
محبك - بدر اليعقوب القيصومة
- على ذا البرد ما ينفع الشماغ ما يبي لها إلا فروة!!
@@ صاحب الطلة البهية معوكس العزيز ودي أعرف ليه تعطي البنات وجه أكثر من الشباب ما هم عاجبينك بصراحة.
الامبراطور - الرياض
- لإن اكثرهم ما قبلتهم الجامعة ودحدروا للمطبخ!!.
@@ مرحبا أخوي معوكس وش رايك بمحمد نور كل يوم مسوي مشكلة مع ان إدارة الاتحاد لا تستطيع فعل اي شيء.
(أخواك أبو عبدالعزيز - الشقة - القصيم)
- نور من قده نفع المضغوط والمندي!!.
@@ مرحبا معوكس وش رايك بسامي الجابر كل يوم مسوي مشكلة وراح اذكرك بكرا يتمشكل مع اللاعبين إدارة الهلال ما تبغى احد يقول لسامي اي شيء.
(أخوك سالم الخضيري - الزعيم في الصميم)
- مافيه مشاكل مزحة وصدقها المركز!!.
@@ الأخ معكوس وش رايك في اتهام محمد نور في حكمنا القدير سعد الكثيري ؟.. هدف الكاسر (الكوبري) اللي في الخوجلي ؟.
سالم كليب - الخرج
- اما الكوبري يصلح فيديو كليب على قائمة الانتقال!!
@@ تراني اطلقت لقب جديد على لاعب الهلال الجديد ويلهامسون نظراً لتقارب اسمه مع أسماء بعض الشركات
أبو طنب - الأفلاج
- ويلي يا زينه معد يرفع والبخيت يكبسها على راس مرجان!!.
@@ معكوس يا صاحب المليون رساله ودي اعرف الرسايل جوال وإلا بريد.
محمد الحمد - الرياض
- كلش يالله نلحق!!.
@@ ابو العواكيس ما رأيك بالحكم العمري وهو يكلم بالجوال ومع مين.
(محبك - غنام النشار - الدوادمي)
- يقول لبلاتر اي خدمة ترانا بدينا باسم الله!!
@@ الكابتن معوكس: برأيك ماهو السبب لعدم ضم محمد نور للمنتخب؟؟.
نايف - الرياض
- صح النوم ضموه وارتاحوا من وجع الراس وشكاوي مجلس الأمن قصدي مجلس السنة!!.
@@ معوكس شرايك تصير لاعب كورة.
عاشق معوكس - ابو خالد - المجمعة
- عقب هالعمر ممكن مدلك وإلا مدرب لياقة بدل الحسيني!!.
@@ عاكس مدري معكوس صدقني انك اخذت نص صفحة في جريدة "الرياض" ولا تستحقها لأن لي عشر سنوات اشوفك ولا ادري عنك احسبها اعلانات تجارية واليوم فاضي قلت اتصفح هالدعاية وطلعلي شيء سامج ماله داعي لكن نصيحة من اخ شفلك شغلة احسن والله الشغلة هاذي فشلة عليك.
واحد ما يحبك - الرياض
- اذا بشوف لي شغلة مالي أإلا أمسك سرى بمكتب العمل!!
@@ حبيب الكل معوكس عندنا بالحاره لاعب موهوب بس مشكلته مزاجي ولون شعره اشهب يقول حاول بكل انواع الشامبوهات مافيه فايدة (نصيحتك).
محبك - بدر اليعقوب القيصومة
- شعره اشهب ماله إلا يشجع الطائي أشهب عبر مثل القمر!!
@@ ياقاهرهم يا معوكس كل عام وانتم بخير وبعد:
ما رايك بمطالبة الاتحاد حكام أجانب لمباراة الحزم.
عبدالله اليامي - جده
- الحزم جاهم القبيسي واكيدوا بيروحون فيها!!
@@ الحبيب معوكس تحياتي واشواقي وبعد
ليش خسر الحزم من الفيصلي الاردني.
احمد الحربي - الرس
- علشان اللاعبين غادروا لبريدة بالباص بدل الطائرة الخاصة وتأخروا في الوصول لطول المسافة!!.
@@ الغالي معوكس تحيه وبعد:
ليش سعد الحارثي تأخر في السفر للعلاج.
محمد القرني - المزاحمية
- سعد يدور في لملاعب كنه يسوي دعاية ونيت غمارتين!!.