اللغز

الأسبوع الماضي كان لغز الأسبوع من طرح الشاعر ضيف الله مسيب الروقي من الدوادمي والذي يقول:
يا ويش رجل معه سنين مزروعه
وليا انجرح من عروقه شي ما يبرا
دايم يضحي بنفسه لاجل مجموعه
لانقاذهم لا يصير مصيبة كبرى
وقد توصل للحل شعر:
يا شاعر لابته بالطيب متبوعه
يالله عسى ديارهم عقب الوسم خضرا
وفيوز حل الولد متشكل بنوعه
أكيد بس انتبه للمبة الحمرا
سعد مويزر مشعان البدراني - الرس
يا حي لغز الخزامى بآخر أسبوعه
على صحايف رياض العز وأنا أقرى
ولابن مسيب فريد أفكار مطبوعه
والحل عند فيوز (ن) هين المشرى
محمد بن غازي النفيعي - أبوظبي - الإمارات
يا بن مسيب ولغزك فاردن نوعه
أنا أشهد أنك حديت حمود للمسرى
حتى لقينا فيوز النور مقطوعه
وأنا أتمنى الليالي كلها قمرى
حمود بن زايد الدلبحي
صفحة خزامى بها الأشعار مطبوعه
واللغز مرغوب مثل اللمبة الخضراء
افيوز حله وانا كملت موضوعه
والى انقطع عطل الساري عن المسرا
علي رشيد الرشيد - رياض الخبراء
الحل فيوز وله راسين مصنوعه
والى انقطع صارت الأنوار في غدرا
كم مرة عطل الساري عن أربوعه
هذي حراوية وانت الحل فيه ادرا
محمد أبو دحيم - البدائع
يا بن مسيب ترى الألغاز موموعه
ونكتب حلوله ويشهد كل من يقرا
الفيوز الأصلي ترى ما هيب مقطوعه
إلا ليا جا التماس السلك من حدرا
عبدالهادي فهاد العرجاني - الأفلاج
يالروقي العلم جاك بداير اسبوعه
تقراه عبر الخزامى وغيركم يقرا
للكهرباء إفيوزها تأمين مصنوعه
إلى احترق والتمس هو حلها وأدرا
فهد بن عقيل الطويان - بريدة
ياللي كتبت اللغز جتكم رموعه
حل صحيح وانت في حله أدرى
هذا الفيوز اللي قليله سنوعه
على الخطر ما فيه حيل وصبرا
نافع بن عوض بن حنتم - الرياض
الكهربا أفيوز له سنين مزروعه
اليا نتقطع سلكه اصبح نورنا غدرى
يضحي بنفسه ويحمي مجمل ربوعه
ومن يعرف الكهرب بالورع هو أدرى
سعود عائش التميمي الحربي - القاهرة
قال الذي لا لقى الأسلاك مقطوعه
شبك وشرطن عشان السلك ما يعرى
ومن كان يبغى (فيوزه) تبطي نفوعه
يبدا بحل الكبيرة بعدها الصغرى
خالد البشري - الدوادمي
كما توصل للحل نثراً:
خالد مجول العنزي.
لغز الأسبوع
كتبه للصفحة الشاعر حمود زايد الدلبحي ويقول:
يا ويش رجل له ثلاث من الحريم
ثنتين فيهن روح ووحده ميته
والنوم عند الميته دايم مقيم
والباقات إن مر وحده حيته