فلاش

اتصلت وقالت أنا عندي خمسة أولاد وبنت وزوجي مدمن مخدرات.. وانمسك وهو يعطي واحد مخدرات وحبوب وطلع من السجن وإلى هالحين ماتاب.. لكن أبغاكم تدخلونه المستشفى عشان يتعالج.. وأنا والله عانيت منه الأمرين وحرمة لا لي قوة ولا ناصر عليه ويهددني بالطلاق.. وجلست أصيح وقالت تدري أنه يوم من الأيام كان بيذبحني أنا وعيالي كلهم.. لولا الله ثم جارنا اللي ساكن بجنب شقتنا يوم سمع صراخي أنا وعيالي وبوهم جايب الرشاش يقول أنا بنهي حياتكم لأنكم تكرهوني وتخوفوني وتبغون تنتقمون مني.. وبعدها قالت والله الرجال مريض من المخدرات لاحسة عقله.. هذا من غير المصايب اللي يسويها مع الجيران تحت وأنا اللي أطلعه من تحت عشان ما يفضحنا معهم.. قلت صحيح ان المخدرات ما هي حرام وبس إلاّ بعد فضايح وبلاوي وما هو على اللي يتعاطاها وبس لكن حتى أهله يتوذون منه واللي حوله وأقاربه.
تكفون يالربع خلونا نبعد عيالنا عنها ونعلمهم عن خطورتها وأضرارها.. ويالله سترك.
الأبرق