الخوف

يا عيون سلطان لا تبكن لا لا ابكن
حسبي على اللي ظلمني واللي أبكاكن
لا صار دمع الأسى يشفي مواجعكن
لا والله إلا أبكن ابكن وأنثر ما كن
صاحبت السهر وحمرة مدامعكن
واللي تبنه تمننه ولاجاكن
غالي وطاريه ينفعني ونفعكن
بعيد عنا وهو في وسطكن ساكن
اليوم من بعد ولعني وولعكن
ذكراه تحصيل ذكرايه وذكراكن
والا الهنى والفرح مبطي موادعكن
والهم يزداد والوقت أيتحداكن
والحل ما هوب لا عندي ولا معكن
بين الغرابيل حديتن على اقصاكن
وأحزاني اللي تصاحفني تصافحكن
أذاني الحظ بالمقسوم واذاكن
من داعي البين بيعني وابايعكن
لا زاد هات ولا منه نقص هاكن
عن شوف مالاق يمنعني ويمنعكن
الواقع اللي على التعذيب وداكن
من مبطي الوقت يفجعني ويفجعكن
ومن مبطي الخوف خاواني وخاواكن
حذف المقادير روعني وروعكن
والغيب فالدرب قدمي ويتحراكن
هاجوسي الصلف يلذعني ويلذعكن
ومن فكة منه ما أمداني ولا أمداكن
يم التهاليك يدفعني ويدفعكن
يفعل ويامر وينهاني وينهاكن
لو شدة الول تجمعني وتجمعكن
على المواجيب مبدايه ومبداكن
ولو الملذات تغريني وتشبعكن
غير المباحات واياتي ووياكن
والصبر لو طال يقنعني ويقنعكن
لو فالمتاهات ممسايه وممساكن
لا بد الافراج يفرحني ويفرحكن
وتشوفن النور صاطع بعد ظلماكن
أما يجي الظهر والا أنه يصبحكن
والا مع الليل والاحزان تفداكن