كالظل ماتلقاه في وقت الادماس

إحذر تصادق كل هافي وبلّاس
اللي لقد حان الدناءه ولوغي
كالظل ماتلقاه في وقت الادماس
ماله وجود بكل ركنٍ وروغي
يتلّه العرق وترى العرق دسّاس
مثل الثعيلب لازم إنّه يروغي
ماقام بيت بلا حسابات وقياس
ولاكل قاعٍ فيها الاوتد تصوغي
من هو يعرّض لحيته ثلم الامواس
ميجمّله عقب التشوّه صبوغي
والصحبه اللي ماتوثّق على ساس
مثل الوضوء اللي بليّا صبوغي
إحرص على الديّن ويحذيك الألماس
بمرافقه يلبسك تاجٍ وصوغي
تلقاه لامسّك من الوقت مسّاس
مثل الصباح أن فزّ وقت البزوغي
له هدّه ومدّه وردّه ومرواس
يبين فعله قبل سن البلوغي
عوض سلامة العنزي