ترى الفراق دموع وأحزان وجراح ياما.. وياما واحدٍ فاقدينه

بمان الله يا مركب غرام الحب والعشاق
طلبتك لا تخيب ضني فيك يا عيوني
ترفق بالغلا اللي راكبك تراني له مشتاق
أحبه وأفرح بطيفه وأحطه داخل جفوني
حبيبي أفرح بشوفه وأدون حبه الأوراق
قصيدة حب أترجمها.. أغنيها على لحوني
ألا يا بحر وأنت اللي تنفذ دبرة الخلاق
ترده لي أعيش وياه تكفى لا تخيب ظنوني
خالد بن ناصر المخيمر - روضة سدير
أومت بيدها ودّعت غاليا راح
ورد الوداع بومايةٍ من يمينه
دش البحر متوكلٍ فارق امراح
في مركبٍ ودّاه يم السفينه
ترى الفراق دموع وأحزان وجراح
ياما .. وياما واحدٍ فاقدينه
حمد عبدالله الوايلي - حوطة سدير
راحوا على متن السفينه يطلبون
الرزق من رب السما طالبينه
يم البحر لازم بوسطه يغاصون
يلقون به لولو وهم خابرينه
وهي تودعهم قبل ما يروحون
يمكن ولدها بينهم ما خذينه
سليمان بن عبدالعزيز السنيدي - الرياض
نرحب بمشاركاتكم الشِّعرية، وما تلتقطه عدساتكم
من الصور الهادفة والطريفة على إيميل الخزامى:
rb-khozama@alriyadh.com
صورة العدد