يا أهل الركايب وينكم لا تروحون ودّي أشوف حمولكم والمزاود

بين التراث وبين شوف الركايب
وشوف المباني عاليات منابير
عرّض علي هجنٍ تروم المصاعيب
صفوا جميعٍ في سباقٍ طوابير
مجمّله بالزي هجنٍ معاريب
يا ماضي الحاضر نشوفه تعابير
مضى عليه عصور دهرٍ محاريب
حمد عبدالله الوايلي - حوطة سدير
يا أهل الركايب وينكم لا تروحون
ودّي أشوف حمولكم والمزاود
وأشوف فرق الوقت وأنتم تعرفون
يوم السفر في وقتكم امتكاود
اليوم طياره.. وخط.. وتليفون
اللي يروح الصبح سرعه يعاود
سليمان بن عبدالعزيز السنيدي - الرياض
يا زِين للهجن زِرْفالي
مِن وين ركابها كانوا
الهِجن هِن مُنوة البالي
بقطع المسافات لو طالوا
واللبس بالعين يزهالي
باليد له اهلها زانوا
سعود عائش الحربي - جدة
الابل لها عشقٍ.. وحبٍ.. ومقدار
سفينة الصحراء تجوب الصحاري
فيها التحمّل.. والتأمّل.. والأسرار
في كل وقت وصبح ليل وغداري
سعد السالم - الطائف
نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد