تجلت مملكة عظمى سناها للأمم مشهور

يفوح الشعر في صدري اذا جيت الوطن بشعور
بيومه تصدق حروفي وأترجمها على قافي
قبل تسعين عام موحد الدوله على دستور
على القرآن والسنه ومنهج ما به خلافي
وقف عبدالعزيز اللي شلعها من الدجى للنور
وأعلن في مناكبها بداية حكمه الضافي
ودانت له مضاربها ولملم عقدها المنثور
وجوه الناس في بيعه.. يمين لكل ميقافي
جمع قبل البلاد قلوب ألفها وشال الجور
وثّبّت حكمه العادل على ميزان الانصافي
وحدد لك مراسيها من املج لين راس الزور
شمال من الحديثه لا جبل دخانها النافي
تجلت مملكة عظمى سناها للأمم مشهور
بقاده تنهض الامه وتظهرها لمشرافي
بعد عبدالعزيز الخير تمت ماعليها قصور
وشال الرايه ملوكٍ حموها حكمهم وافي
حكم سلمان اخو نوره سليل المُلك والمنصور
بعدلٍ ساد بالدنيا وزاد المرجف ارجافي
حماها من العدا وارسل عليهم سيفه المسطور
وخلا من يعادينا يعيش سنينه عجافي
على يمناه من يسبق زمنه بأزمنه وعصور
ولي العهد له رؤيه تحقق قدمه اهدافي
طموحه عانق الزُهره وشعبه من وراه حضور
يحث الركب للعليا وشفه حلوها الصافي
كسر روتينها وانجز سنينه في عديد شهور
مشاريع الوطن نهضه تطور قلب واطرافي
رياضك كلها بهجه ..شمال المملكه مسرور
يتوق الساحل الغربي الى المستقبل اللافي
جنوب المملكه آمن حدوده من رجالك سور
وشرق الدار خيراته على اهل المملكه طافي
حفظك الله يا بلادي بنعمه والعدو مدحور
وادام الله حكامك حفظهم ربي الكافي