ياللي تعرفون هذا الزير يا حلو طعمه ومشروبه

حيٍّ قديمٍ لاحقٍ للحضارة
بيوته منِ اسمنت لكن قديمات
والزير حوله كأس والّا غضارة
بارضٍ براحٍ ما عليها حراسات
يروي عطش من مرّه بلا خسارة
ما فيه داعي يتجه للبقالات
محمد مقحم المقحم - الرياض
ياللي تعرفون هذا الزير
يا حلو طعمه ومشروبه
مصوره أتقن التصوير
خلّى زواياه محسوبه
يملاه راعيه من ما البير
والا من قدور مجلوبه
سليمان عبدالعزيز السنيدي - الرياض
من ماضي الأزمان جاله دور
يروي عطش من كان عطشان
واللي بغا عذب ماه يزور
معروف من ماض الأزمان
سالم الدوسري - الرياض
الله يجزي راعي الخير بالخير
الزير وسط الحيّ في الساحه
سبيل للناس .. وأيضا الطير
منهو شرب ماه في راحه
نورة الفاضل - بريدة
نرحب بمشاركاتكم الشِّعرية،
وما تلتقطه عدساتكم من الصور الهادفة
والطريفة على إيميل الخزامى:
rb-khozama@alriyadh.com
صورة العدد