الخير بك طول الزمن عزّ وْفخَر يا خيلنا

الخيل فيها العز ياللي تعرفون
فيها جمال وربي اللي ذكرها
خصص لها سوره بها الوصف موزون
العاديات وزينها في نظرها
كم فارسٍ في المعركه لو تذكرون
شجاعته يومه تعلّى ظهرها
سليمان بن عبدالعزيز السنيدي - الرياض
الخير بك طول الزمن
عزّ وْفخَر يا خيلنا
ما نرخصِك عشق وْثمن
بْجيلٍ مضى أو جيلنا
جِعل السحايب لا همن
تسقي خلا يصفي لنا
فيصل الصاعدي - المدينة المنورة
يا مدرّب حصانه نشوف اهتمامك
بها الحصان اللي يبي منك تعليم
من شان والجمهور واقف أمامك
تلقى مع التصفيق مدحة وتكريم
بعض الحِصِن تسمع وتفهم كلامك
قد درّبوها في جميع الأقاليم
محمد مقحم المقحم - الرياض
الخيل تجمح وخطامها في يدي
مروض مهر اصيله في خد براح
توها على المرواض فيها مبتدي
تصهل صهيل ودوبها تبي كفاح
خيالها فارس ومجده يشهدي
ترويضها هاوي وللصدر انشراح
والخيل والبيداء لها مجد مدي
من العصور اللي لها أصل وراح
حمد عبدالله الوايلي - حوطة سدير
أوَّل الترويض لحصانٍ شراه
كله أمل يِسر في وقت السباق
خصائص الاشهب تسر اللي يراه
أصر او جمالٍ لِه كِبير الاشتياق
ومن قديمٍ عندنا زايد غلاه
وعن خِلافه مِن بِواق الخيل فَاق
سعود عائش الحربي - جدة
الخيل شارك في فتوحات الاسلام
الخيل عند اليعربي له مكانه
تاريخها معروف من ماض الايام
معَ سالم ابن الزير في عنفوانه
من فوقها الشجعان بالرمح وحسام
والكُل من لابطال صهوة حصانه
محمد عبدالله الشهري - مكة المكرمة
نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد ‫‬السابق