تسعين مع عامين والعز يزداد عاش الوطن عاشوا سواعد رجاله

يوافق يوم الثالث والعشرين من سبتمبر 2022 اليوم الوطني الثاني والتسعون للمملكة العربية السعودية وابتهاجا بهذه المناسبة العظيمة الغالية كتب بيت الاسبوع محرر هذه الزاوية ويقول :
تسعين مع عامين والعز يزداد
عاش الوطن عاشوا سواعد رجاله
وكان صدى البيت من الشعراء اكثر من رائع :
تسعين مع عامين ياأجمل بلاد
يادارنا المعطاء رمز الأصاله
يوم الوطن ذكراه كل عام ينعاد
ونتجدد بعشق الوطن من خلاله
لك الغلا ولك الولاء بكل الأبعاد
ومشاعر أبنائه هي أجمل رساله
بندر العقيلي الخالدي الرياض
عاش الزعيم اللي بنا صرح الامجاد
وزع مشاريع البلد بالعداله
عاش المليك وساعد الخير ينقاد
في راي ابو سلمان عزم وبساله
واليوم ياداري على كل الاشهاد
اسمك وصيتك فالمنابر لحاله
حمود بن معدي بن صايل العتيبي - الرياض
نعشق وطنا من علا وقت الاجداد
يا حي دار العز ياحي فاله
نحبها حب السهارى للاسهاد
ونفدي ثراها مانبدل بداله
ويارب يارافع سماها بلا اعماد
احفظ بلدنا من عيال الضلاله
خالد ابراهيم المرشود - الرياض
يا الله تحفظ دارنا دار الامجاد
وتعز حكام الفخر والشكاله
خدام بيت الله على روس الاشهاد
هم ملتجا الاسلام في كل حاله
يا الله عسى اًيام الوطنً كلها اعياد
وتعيش يا شعب الوفا والبساله
علي بن قيقان الشملاني
من يوم ابوتركي على جيش وجياد
وحدّ شتاته بعد عصر الجهاله
والدار لها مع سكة المجد ميعاد
تواكب التطوير في كل حاله
الشعب اله همًه جماعات وافراد
و يعمل مع الرؤيه بجد وبساله
سعود المسعودي -الرياض
تسعين مع عامين فخراً بالأمجاد
حكماً على هدي النبي والرساله
الحكم بالحكام يفخر ويزداد
عاش الوطن عاشوا ملوك العداله
آمن بلد ومهبط وحي وأطهر بلاد
يوم الوطن تلبس حلل من جماله
هذي بلادي وأفتخر فيك يابلاد
حكامها آل سعود سيف العداله
عبد الله عبد الرحمن الطريفي - حايل
من فضل ربي امن واًمان واعياد
عسى طوبي للمؤسس وفاله
اسس لنا الدولة على اساس واجاد
ووصى عليها بالمواضب انجاله
بارقابنا بيعة جماعات وافراد
حكامنا ال سعودواهل الشكاله
صالح البشري - الرياض
اليوم هذا عندنا ثالث أعياد
يوماً مجيد وعندنا له دلاله
أمن وامان ومنبع الخير وامجاد
قصة وطن فيه السعد والجماله
كل عام فيه التنميه شيّ معتاد
شرقاً وغرب وفي جنوب وشماله
مقرن بن متعب الهرف - الرياض
تسعين زد عامين مرت على بلاد
بلاد السعوديه على عز حاله
سلمان قايدها و نجله بعد قاد
رجالٍ لها ناموس و رجال قاله
من جالها إلى جالها النور وقاد
بقيادة الحاكم ربا الطيب فاله
و اللي يعادينا نويناه بعناد
بالنار و البارود لازم قتاله
محمد عبدالله الشهري - جبل اثرب
ويادار حنا لك على العسر واحداد
واللين لك منزل على المجد جاله
مرت سنين وقتها السرج وشداد
واليوم وقت المجد هذا مجاله
في عهد سلمان العروبه والأمجاد
على الوطن والشعب ظلل ظلاله
يالله عسى عمره طويل وله امداد
ومحمد اللي مشرقه شمس فاله
حمد عبدالله الوايلي - حوطة سدير
تسعين مع عامين والخير معتاد
من فضل رب البيت ننعم بجاله
تسعين مع عامين يادار الأجداد
عشتي بظل اللي يحكم العداله
تسعين مع عامين والكل منقاد
ال راية التوحيد وأهل الشكاله
عبدالكريم ابن خزيّم - البكيرية
تسعين مع عامين والعز يزداد
عاش الوطن عاشوا سواعد رجاله
اليوم عيد وايامنا كلها اعياد
فخر وطنا عزنا طاب فاله
محمد السعيد -جلاجل
في ظل ابو تركي ومن بعده اسياد
عسى الوطن في ظلهم بالجلاله
يوم الوطن بقلوبنا ماله انداد
الأمن والخيرات حاله وفاله
ابراهيم بن ناصر الفايز - فرعة الوشم
شهر سبتمبر فيه ذا المجد ينعاد
عم الوطن نوره بروعة جماله
حب الوطن معروف من عهد الاجداد
نعشق ترابه ونتفيا ظلاله
هنادي الهاجري. مملكة البحرين
هذي بلاد العز تاريخ الامجاد
من عهد ابوتركي لتالي عياله
ياعل وقت المملكه كله اعياد
في ظل سلمان الفخروالبساله
ورث الملوك الي لهامجد وشداد
اطهر بقاع الارض مهدالرساله
ضبعان الشمري
بنوا شموخه فوق عالي للامجاد
مع قايد النهضه صعد وارتكاله
والي عهد المملكة بالوفاء جاد
حط الحمل من فوق متنه وشاله
وحنا ولانا صدق من عصر الاجداد
دون الوطن نرسي رواسي جباله
عوده بن ناصر القبلان
وعاش الملك سلمان رمز ٍ للاعياد
ومظللن شعبه بوارف ظلاله
ومحمد اللي للمهمات معتاد
ويعمل لتطوير البلاد وجماله
والشعب مع حكومته عز وإسناد
ويقول : دولتنا وحنا عياله
عبدالعزيزالصقيري
تسعين مع عامين والعز يزتاد
عاش الوطن عاشو سواعد رجاله
وعاش الزعيم اللي بنا صرح الامجاد
وزع مشاريع البلد. بالعداله
عاش المليك وساعد الخير ينقاد
في راي ابو سلمان عزم وبساله
واليوم ياداري على كل الاشهاد
اسمك وصيتك فالمنابر لحاله
حمود بن معدي بن صايل العتيبي