حمام ياللّي بالغِنا ساجعٍ لي

وش لك بجَر الصوت في راس غاره
لو حيث نوحك بالعتيم المتلّي
خطرٍ أشق الجيب وأقطع زْراره
لاصِرت بأيام الطرب مستغلّي
لا توجع المفجوع تكشف أسراره
حوّل ولا تِبدي على مرقَب اللّي
ما هو بحق الجار يوذي بجاره
ذكّرتني وقتٍ مضى لي وِزَلّي
وقت النعيم اللّي زهت لي أزهاره
مرّت بي القِدرَه على بيت خِليّ
شفت الرسومُ وْجا بعقلي غياره
طوّحت بالونّه وْطحت بْمَحليّ
وصفّقت بكفوفي وأنا عند داره
شعر - محسن الغيثاني