الشجر أنواع وبالمنظر جميل يعجبك لاصار في دار الفخر

حمّلت بالدنا من أنواع الأشجار
تريد تزرعها وتبغى بها الخير
تجمل الشارع وترتاح الأنظار
وتشارك أشخاص يريدون تطوير
عمل جليل يبذله كل الأخيار
حتى يعم ابلادنا زود تنوير
على الرشيد - رياض الخبراء
ابو الزهوراللي لها أشكال والوان
في دنة تمشى مع الخط بالهون
سواقها ساير على قصد عنوان
مشاتل فيها من الشكل واللون
متنوعه للي يبي الذوق حيران
خير البلد غطى ليا قلت وشلون
يا رعي الدنه تراك أنت غلطان
كم قلتها والناس مثلي يعرفون
حمد عبدالله الوايلي - حوطة سدير
ينقل لهم شتلات يزين بها الحوش
وردٍ من الشايك معه نبت صبار
فحواض فلاحٍ من الماي مرشوش
ريان فرع الساق واضح من الازهار
توصيل دينّه ماخذٍ اجره قروش
رقمه على الصدام مسجل لليجار
يا رب ترزق من سعى لمالٍ يحوش
ليا جاء حريصٍ للبضاعة فالاسفار
سعود عبدالعزيز الهزاع - نعام
الشجر انواع وبالمنظر جميل
يعجبك لاصار في دار الفخر
بالشوارع يعجبك ماله مثيل
وشوفته ياحلوها لاصبح خضر
والورود اللي بشوفه للعليل
تعطي الراحة ومنظرها يسر
محمد عبدالعزيز الخنيفر - أشيقر
عض العماله ما بها طب يا ناس
دايم على درب الخطر ما تبالي
دنه فيها الشجر أشكال وأجناس
تمشي بوسط الشارع ياهم لالي
ما حسب للاخطار ولا شال هوجاس
ولا فكر بخسارة راعي الحلالي
عمالة تخاطر بلا وعي وإحساس
تضحي بأرواح الناس لأجل الريالي
خالد ناصر المخيمر - روضة سدير
شتلات وسط الدِّينَّا احجام وانواع
ماهو بذا وقت زرع او بيع يا فلان
شوف السكك فاضيات الكل ووساع
ومن سار فيه بوقت الحظر غلطان
زرع الفسيله ظِلال او خير وامتاع
بَرْضٍ خصيبه ليا من وقتها حان
ويالله بفضلك تقينا شر الأوجاع
وتعود بسماتناوالكل فرحان
سعود عائش التميمي الحربي - جدة
يرتاح بالي يالربع بشوف الأشجار
في كل موقع يعجب اللي يشوفه
في وسط شارع أو في داخل الدار
عيني على شوفه دوامن شغوفه
خص المناظر تسعد القلب بازهار
في نوعها الجذاب دوم معروفه
ريان محمد الخنيفر
نرحب بمشاركاتكم الشِّعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد (عدسة/ ماجد المعيلي)