يا جارحة

كافي زعل
من زعلك في عيونك السود نظره
لا شفتها حسيت بالحزن.. بالياس
من زعلك طاحت من الليل قمره
خلى الطريق من المواعيد والناس
حبيبتي أرجوك في القلب حسره
كافي زعل اشغلتي الفكر هوجاس
والله لو تدرين هالحُبّ جمره
بين الضلوع تشب من حر الانفاس
شِعر الأمير - بدر بن عبدالمحسن
يا جارحة
يا جارحة طول الجفا هدّ حيلي
ما كنت لأحداث الليالي امتنبّي
أهديك إحساسي وهمّي بقيلي
والشّعر عن بعض المشاعر ينبّي
الحبّ دايم يقهر المستحيلي
وأرجي رياح الوصل صوبي تهبّي
شِعر - محمد بن سبيّل
ضيق وكآبه
البارحة مر الحزن تحت الأهداب
ومالت حنايا الصدر ضيق وكآبه
البارحة كانت من همومي اسراب
التمت احزاني سحابه.. سحابه
سيلٍ من وادي الصدر صباب
لين امتلا الخافق وجدد صوابه
شِعر - فارس الجويعد
أماني الدار
يا صمت وشلون الفرح اشلون غيّابه!؟
ليت الوصِل يوم الفرج، أحبابك ابعيده
طهر المصاحف والصلاة بصوت ترحابه
ودعوات مسلم هنّت المسجد بتغريدة
من أوّل البارح تصافق ضيقة أبوابه
نشتاق لإطلالة أماني الدار في عِيده
شِعر - خلود البراري