لآلئ شعرية

عسى ما زعلتك البارح وزودت الجراح جراح
عسى ما مرت الدمعه على أهدابك من أسبابي
جرحتك من كثر شوقي وخليت الكلام رماح
ولا ادري أشلون يا عمري طعنتك حيل بعتابي
بدون شعور صدقني ترى كثر الغلا ذباح
تعال وشوف بغيابك غلاك أشلون سوا بي
حرام تغيب من عمري وتعطيني الفراق وشاح
حرام الدمع في عيني مناديله هي اهدابي
غيابك يشغل عيون الزوايا وامتلي أشباح
وانا أنثر صوتك بقلب المكان وأشعل أبوابي
تلفت للأمل دام الرجا في عمري المنواح
أنادي لك ولو شرهك ووصولك تقطع أعصابي
أبيك الجاي من عمري انا ما بيك شي وراح
ما دامك اجمل واخر ما دامك اول أحبابي
أبي أرتاح يا عمري انا ادري هم تبي ترتاح
تعال وقبل ما افرح ترى تفرح بك ثيابي
أحبك يا بعد عمر الحزن والجرح والافراح
أحبك كثر ما نامت عيونك داخل أهدابي