إِنْ كَبْروِ عْيالك فخلّك لهم أخ عالج قضاياهم بحلمِ وْ تروّي

كان بيت الأسبوع الماضي من طرح الشاعر ناصر جمعان آل عوض من وادي الدواسر في موضوع اجتماعي يتعلق بالتربية والذي يقول:
إِنْ كَبْروِ عْيالك فخلّك لهم أخ
عالج قضاياهم بحلمِ وْ تروّي
وكان الصدى من الشعراء:
راحت ليال الهوش والضرب والطخ
قال المثل خلك معاهم مخوي
لا فايده لوكان تشمت وتصرخ
لا تقول مثلي ودي انك تسوي
سعد صنهات السهلي
هذا الزمن فيه المشاكل أتدوخ
غير الزمان اللي مضى وش نسوي
حاول بحكمه دلهم لاتصرخ
على عمود الدين ركز وقوي
اللين فكره عند فكرك ينوخ
ياخذ تجاربيك ومثلك يسوي
راكان وليد الهويشان
اقض الحوايج لكن احذرك تبذخ
وتقول خلوني على كيف جوي
اضبط كلامك لا تفاخر وتصرخ
حتاك ما تندم على ما تسوي
ولا تعصب ثم تصبخ وتلبخ
بالصبر خلك بالكريم امتقوي
علي الرشيد - رياض الخبراء
التربيه تبغى بصيره تبي مخ
مابي صراخك في المسامع يدوي
بالك تشد الحبل واحذرك لاترخ
حل الوسط محمود شف وش يسوي
خلك كريم النفس واحذر لاتبذخ
مثل الغدير العذب رشفه تقوي
حمد محمد الحنو - عودة سدير
خلك وسيع البال لاتوجع المخ
وان طق عودقلت والله لأسوي
وعلى اتفه الأسباب تبخهم بخ
عايش حياتك في نكدومتلوي
عقدت اولادك وعزك لهم نخ
شفت المواقف دايم ماتسوي
حمد عبدالله الوايلي - حوطة سدير
الحرص كل الحرص لايطيح بالفخ
وبعده حسوفه بقولتن ويش اسوّي
حاول وحاول وانتبه زيادة الشرخ
ابنك ترى غالي وانتبه لايهوّي
كم من نظيف ن في سلوكه تلطخ
واليوم حياته نقص وصار متطوي
محمد بن عبدالعزيزالخنيفر - أشيقر
خل التساهل خوف عنك يكفخ
وخله مع اخوانه دايمن بالتسوي
لا ينعدم مخه ثم يتلبخ
اصبر عليه وواجب التروي
واقول عند الغير حذرا توبخ
ثم تنقطع سبحه وبعده يهوي
ريان بن محمد الخنيفر - أشيقر
بيت الأسبوع
كتبه للصفحة الشاعر جايز التبيناوي من حائل بمناسبة يوم البيئة العالمي ويقول:
لاجيت روض نظيف وثم ودعته
خله نظيف مثل ماكان يالوافي
نستقبل صدى هذا البيت بثلاثة أبيات تدور حول هذا الموضوع،
خلال أربعة أيام من نشر البيت على الإيميل:
rb-khozama@alriyadh.com