ما برمضان إلا تلاوة وتسبيح

مابرمضان الا تلاوه وتسبيح
اقولها للي نشد عن قصيدي
صل الفروض بوقتها والتراويح
وبعد رمضان اعلمك في جديدي
شهرٍ به الاوضاع تحتاج تصحيح
ولعلنا من نفحته نستفيدي
وعساني انهض واغتنم هبة الريح
ويزيد في يوم التغابن رصيدي
خمسين حجه تعطي الشخص تلميح
انه يجهز عدته للشديدي
وانا مشيت الدرب من دون تصريح
ولادري وش اللي يعترض لي بسيدي
احلى ليال العمر راحت مدابيح
واكلت من ضيفة تمايم حفيدي
فهد هجاج الحربي
Your browser does not support the video tag.