تراث الوطن هذا هو المهرجان يعكس لنا الماضي بصوره جميله

أرضٍ جميلة تحتوي تراث الأجداد
اللي هلم ماضٍ أصيل .. وحضارات
تاريخهم بالعز .. تاريخ الأمجاد
دايم لهم فخراً .. ومجداً .. ورايات
فواز سعود الحربي
محفل سعودي كل عامٍ له جهود
في شمال العاصمه بالسعوديّه
والعلم شامخ .. والارزاق في زود
والناس ف المحفل بروحه وجيه
يلفي عليه أجبابنا فود.. ووفود
هذا ترث أجدادنا مجد معهود
عاشت بلادي تعيش دار السعوديّه
خالد ناصر المخيمر - روضة سدير
في شمال الرياض أنظر تراث الجدود
مكتمل وأطّلع ياللي تبي الإطّلاع
وبعاصمتنا الرياض مستقبلين الوفود
والصحافة تحرر .. والإذاعة تذاع
عبدالله محمد الأكلبي - الرياض
جنادريتنا تراث الأصيلين
عن مامضى شفنا بها تراث موفور
كم تذكرتنا رجالٍ عزيزين
فعل النشاما جهد واضح ومشكور
صغارنا وكبارنا الكل ساعين
لأجل التراث الكل دايم له حضور
في كل عام رجالها دوم وافين
لإحياء التراث اخلاص دايم لهم دور
محمد عبدالعزيز الخنيفر - أشيقر
تاريخ راسخ مع عراقه أصيله
له كل عام عرسٍ بجنادريه
وبقصر المربع مع فنونٍ جميله
نستحضر الماضي وبأنظار عصريه
وتراثنا نحييه بأجمل وسيله
وآثار بعلوم النشاما الثريه
سعود عائش الحربي - جدة
تراث الوطن هذا هو المهرجان
يعكس لنا الماضي بصوره جميله
استانس الخاطر بشوف المكان
مكان مبهج في كل صبحٍ وليله
بأغلى وطن في القلب من بد الأوطان
عسى الولي يحفظه من كل ميله
حبه سكن بالقلب وأيضا بالأعيان
ربي يدم الخير لجيلٍ .. وجيله
سطام الهذال
حيّ التراث اللي نجلّه ونغليه
ماضي عزيزٍ فيه ذكرى وتمجيد
منهو يزوره حيل يسعد بماضيه
وإن راح مرّه لزومٍ له يعيد
وياخذ من رموزه وللناس يهديه
وحنا لزوم تراثنا دايم نشيد
سعد ناصر المسفر
جنادريتنا تراث .. وشوفه
من زارها يا ناس مثل الحلومي
رجالٍ احيوها بالوفاء ومعروفه
للي على الطيبات عز وتقومي
فيها النشاما والسعد في ضيوفه
من زارها يلقى حسين العلومي
ريان محمد الخنيفر
تراثنا بالحيل عشقٍ .. ومحبوب
فيه النشاما .. دايمٍ فيه جمهور
من شرق ولاّ غرب ولاّ جنوب
ولاّ شمالٍ الكل فارح .. ومسرور
يشاهد الماضي ولا فيه عذروب
رمز الأصاله بين الدول صار مشهور
بشائر القحطاني - الرياض
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
ويا هلا..
صورة العدد (عدسة/ مرضي الخمعلي)
Your browser does not support the video tag.