شبلاً تميمي راح منا فقيده

بسم الله ابداء نضمتي للقصيدة
الواحد اللي في يده كل الأجال
الخالق اللي كل ابونا عبيدة
اللي يجازي كل واحد بالاعمال
علم لفاني من مصادر وكيدة
علم لفاني كدر الروح والبال
قالو ترى راشد توفى حفيدة
واليوم عانه فوق الامتان ينشال
مرحوم ياشبل الرجال المجيدة
مرحوم يا صنديد يانسل الابطال
شبلا تميمي راح منا فقيدة
هز المشاعر بعد فرقاه زلزال
شبلا تميمي من ضواري عنيدة
ناس لهم في مرقب العز منزال
رحلت يا تركي لدار جديدة
والناس هذي بين نازل ورحال
عساك في جناة عدن الخليدة
يرحمك رب فوقنا دايم عال
يحسن عزاكم يالرجال الفريدة
يحسن عزا اللي طيبهم كله افعال
طيب مسيس من سنين بعيدة
مذكور فالتاريخ من عدة اجيال
يحسن عزا زيد المسمى وليدة
رجلاً بطيبه تضرب امثال وامثال
نجلك يابوخالد ترى الله يريدة
اختاره الله بين تسعين رجال
نطلب لك المولى ثوابك يزيدة
ويثبتك بالصبر ياطيب الفال
واللي فقدته صار فينا فقيده
واللي يصيبك صابنا حق ينقال
ادعو معي يارب ترحم شهيدة
يا رب ترحم شبل وتخلي اشبال
وختامها صلو صلاة عديدة
على الرسول اللي عن الصدق ما مال