صوت الصورة

يا عاهلٍ الحزم والعزم مبداك
للسلم سلم وللحرايب حماسي
عدلٍ وهيبه والشجاعه مزاياك
ماكنك إلا من جبالٍ رواسي
يعتز فيك الشعب والعدو يدراك
وعندك لحاجات المواطن إحساسي
صدق الولا ما هوب يالحرّ يخفاك
وقت الرخا ولاّ يجي الوقت قاسي
غنام مسعود القريني - نعام
ألا ياعاصفة حزم الفخر يا أبطالنا الشجعان
دحرتوا حوثي مجنون ودار الدين منصوره
رجال أبطال معروفين ودايم للفخر عنوان
عدو الدين أوقفتوه ويد الشر مبتوره
ألا يا جنودنا الغالين يا رجال البطل سلمان
أبو فهد فخرنا عزنا والدار هو نوره
أنا داري عزيزة وانتبه يا مطاوع الشيطان
طلبت الرب يحميها وتبقى دوم معموره
محمد عبدالعزيز الخنيفر - أشيقر
هبت هبوب العاصفه يالجنوبي
يوم اعتزى سلمان وأخوان نوره
شبّوا على الخاين نار الشبوبي
وليا انتهى الحوثي يجيه دوره
اما صباح الغد .. ولا الغروبي
ماتنفع كهافه ولا جحوره
دقيه يالميراج حتى يتوبي
لك خبرةٍ فالماضيات مخبوره
ماتنفع الطيبه بهاك الكذوبي
لاتجبرون ايديه جدد كسوره
ريحة جيفهم مع نسيم الهبوبي
حوثيهم المالك تحفر قبوره
شجعان سعود المقاطي - الرياض
يا خاين لك طلعةٍ ما بها خير
يا معدم الأطفال وأيضا المساكين
خلفك رجالٍ يالمعادي مساهير
أبو فهد لا من تحرّك براكين
ومعه جنوده بالشهامة مغاوير
تقضي على الخاين ومحارب الدين
وخليجنا كله ما حصل منه تقصير
اليد وحدة مع رجالٍ ميامين
ريان محمد الخنيفر
ابشر بعزّك يوم جاوبك سلمان
نخوة هل العوجاء مع الجار تنشاف
دارك يبن منصور تحفظ وتنصان
قاله ملكنا مطمّن الجار لي خاف
ماللخوابث وخاين الشعب وإيران
الا قذايف تجعل جنوده انصاف
وأحذر تقرب حد دارٍ بها إيمان
تصير لوحوش الخلاء وجبة أعلاف
سعود عبدالعزيز الهزاع - نعام
الوطن غالي ودونه رجالٍ مخلصين
بقيادة العاهل رمز الشجاعه والسلام
أبو فهد سلمان راع الحق المبين
واللي نخا يبشر بالسعد لا ما يضام
وجنودنا الأبطال دايم فايزين
الفعل يسبق قبل قول الكلام
سعد ناصر المسفر
سلمان .. سلمان الحزم .. والقوّه
وقت الشدايد ما لها غير ارجالها
الوطن شامخ وصافي سماه وجوّه
وجنودنا جند المعارك دايمٍ أبطالها
بشائر القحطاني - الرياض
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
أو الفاكس رقم: 0114871070
ويا هلا..
صورة العدد