خلاص ..

يا نفسي اللي بالجروح مخبوره
لا تجزعين الجرح بدا يتداوا
خلاص من وقتي خذيت المشوره
في الخوه اللي في الشدايد تزاوا
اللي من أول كان يعني حضوره
عندي غيابه مع حضوره تساوا
اللي يخاوي بس عند الضروره
ليته مع أمه ما تعنٌا وخاوا
أنا قوي بالله ونفسي جسوره
أضعف بعض الأحيان بس أتقاوا
إن ما لقيت اللي طوالٍ شبوره
بآقف لحالي والذيابه تعاوا
العمر درب وكل شخص وعبوره
والذكر يبقى والمنايا تهاوا
ما كل نفسٍ في الردى بمعذوره
وما كل جرحٍ بالعذر بيتشاوا
ولا يجبر الرجال في دق زوره
إلا إنه مداوي خِدِع في المداوا