سالفة توطين

سهارى ياوسن رش النعاس بهجعة الغافين
على ليلي توسدت الطعون وصحت ياليلاي
أنا جيتك علي من العنا لمحه ودمعة عين
بكيت ولا احسب اني يوم جيتك ترخصين ابكاي
بغني للصبا طفل يمر الطهر يا نسرين
مثل مامر لاشجاني نحيب بصدر هاك الناي
بصوت أكثر تعب تمتمت للما والمسا بيتين
عطش هذا الطريق اللي يغص بصرختي وغناي
أجل وان شب هذا الليل شاعروادهش الغاوين
على الطيش الملامه والغوى كان المسا خطاي
أنا يا طفلة الشمس أمس والذكرى من الصوبين
تشد ابي الرحال لمولد ايامي وحلم اصباي
تراودني على حفنة دموع احبس شقاها بين
كفوفي والعيون اللي غفت حيره على مسراي
تباطيني سفر دام الغياب يعلم الغالين
ولو بعض الحضور ان ما نقصني ما فضح شكواي
لمحتك في تفاصيل المرايا واالخزف والطين
على أغلفة الهدايا والصور ووسادتي واشياي
وبساط من الخزف والعاب مصنوعه من الفلين
وعلى ولا على ولا على تدرين ويش الراي
تعالي واحذفي من عمرنا اللي فات 10عشر سنين
ونعرف قبل عشر اسنين وش كنا وويش الجاي
تعب يا ملهمه محتاج افضفض واكسر الروتين
أنا فيني ألم محتاج احس بموقفك وياي
ابغفى بين سجاد الحرير وحبتين التين
واببكي لين من دمعي تجيبين أولي واتلاي
اباادفى كم لحفت البرد من عمر الزمان سنين
وابحكي قبل تغتال السوالف ظاميات اشفاي
بعيشك من صباحات الكرز لين الغروب يحين
واموتك لارحل وجه الشفق واسستوحشت دنياي
أبوس الوردتين اللي يداعبها النسيم بلين
واضمك لين ترقد بين نشوة حضني ومركاي
حزين اليوم اببكي بس اخاف انك معي تبكين
وانا اللي لابكيتي دمعتك جابتني من اقصاي
أنا يامترفه عاشق تحداه الزمان الشين
عزاي إن الصراحه نظرتي وان الوفا مبداي
مواطن ماعرف معنى مكان وسالفة توطين
متى ماملني هذا الثرى رحلت اسج اخطاي
فقيرِ ماملكت الا الكرامه والوفا والدين
تلحفت الصبر حتى غدى سجادتي واغطاي
دخيلك دثريني وان تركتيني بروح لمين؟
فقدت احبابي وللحين باقي في وجيه اعداي