نفحات المدارات ....

هناك أبيات من الشعر تمر بنا، نقف معجبين بها، ونحاول ألا ننساها ونرددها لما ضمنها الشاعر من فكرة أو صورة أو تعبير، أيضاً قد تكون منها أبيات القصائد، فعندما تسمع قصيدة يمر بك بيت شعر منها ضامنا الفكرة والصورة والتعبير، التي جعلت الشاعر ينظم هذه القصيدة، وهو ما يسميه الشعراء بيت القصيدة. وإليكم أعزائي هذه الأبيات المختارة من الشعر:
صراحة
مجبور نضحك يا زمان العجايب
دام البشر صاروا بوجه ووجهين
غصب علينا نبتسم للمصايب
دنيا نسايرها على العسر واللين
منها بكى طفل صغير وشايب
وياما ضحك منها عليها مجانين
طالب المعالي
***
وصية
أوصيك عز النفس في كل الأحوال
عن ذلها والذل ويش انتفاعه
واليوم وين اللي إلى قال فعال
ما ينثني عزمه طويل ذراعه
لكن على ما قال في ضرب الأمثال
بالألف تلقى واحدٍ بالجماعه
ابن فرج
***
وقفة
خاسر اللي يعد الحب له راس مالي
والله اني بعد جربت وضعه ما ريده
والله اني ما عدك يا أبعد الناس غالي
بعد ما شفت من جورك وهمه وكيده
بعد جربت واجد قلت يا هملالي
من تورط بنك الحب يفقد رصيده
من جحيم المودة يكفي اللي جرالي
وانشد اللي يكايز عبرته في وريده
درستنا الليالي وعلمونا الرجالي
والغرام المزيف يقطع الله حصيده
واحسايف سهر عيني بسود الليالي
ساهرا اشرب الدله واسوي قصيده
حمد المغيولي
***
رجولة
اليوم ترسل لي وتبدي الوفا لي
تبدي لي اعذار قصيرات واطوال
تبي تجدد ما انقطع من وصالي
ترضي غرورك بس يا حسن الاقبال
ما عاد تخدعني عقب ما بدالي
وان دت فيما عفت ما نيب رجال
عبدالله الفيصل
غزل
اسمع كلامي إذا ودك تولعني
سعادتي خلها همك ودورها
بنصحك قم خل عنادك وطعني
وتعال نطوي الليالي ونتذكرها
سمعني اللي كتبه فيك سمعني
والكلمة اللي تشكل معك غيرها
بستانك الشعر لو تكسر يمتعني
كسر يا بخت البيوت اللي تكسرها
خالد المريخي