في وحدة الإسلام

وبكرة تقول ان الخطأ غير مقصود
الدينمارك اللي عياها بلاها
والله لتندم كان ما ترسل وفود
نرويجها واللي يطبل وراها
هم ألبسوها العار والحبل مشدود
مغازينات اللي قليل حياها
والبوستن جيلاند صفحاتها سود
صحيفة المجرم يجيها جزاها
سيلبيك هو وادغار بعيونهم عود
تجارنا قالوا رفضنا غذاها
وبديلها في داخل السوق موجود
أجبانهم بالسوق محد شراها
انتاجهم من دونه الباب مردود
والله لتأخذ درس هي وقصراها
من حملة ضد العدا ما لها حدود
لو يعرفون المسلمين وقساها
ما خلوا المقرود صفق لنمرود
المسلمين اليوم قامت تباها
في وحدة الإسلام والرب محمود
رسولنا ما نتركه لسفهاها
من دون عرضه نرخص الروح ونذود
أفضل نبيٍ داس رجله ثراها
ترجم حياته للديانات جارود
أمي وهو الخاتمة لأنبياها
الإنس هم والجن صاروا له شهود
مذكور بالقرآن سماه طاها
أنزل عليه الحق والعالم رقود
يا أمة صوت المنادي حداها
استنفروا طاقاتكم ما بها قعود
جميل بن محمد العنزي