ورقة قديمة

يوم الركايب عقبن خشم ابانات
ذكرت ملهوف الحشا من عنايه
ليته رديف لي على الهجن هيهات
أما معي وإلا رديف اخويايه
أخذت إلي في ماضي العمر سجات
يوم الهوى قايم وانا اتبع هوايه
يوم ان إلي مع تلع الأقارب صرفات
أبيع واشري بينهن بالسعايه
الليل نجدع به وعايد وضويات
ولا خاشر الوعاد راع الضوايه
واليوم شبت وتبت عن كل ما فات
وطويت عن كل الموارد ارشايه
الا فيوم أذكر خطات الخواندات
اللي مقاديمه تعدي الحضايه
اتجازي الهراج بغضاي وسكات
ولا تبين له سريره وغايه
تصد عما قال من غير مجفات
وتعرض بخدكن فيه المرايه
من أن في قلبي جروح خفيات
ونا خبر ما بي سبيها منايه
اية هوا ما هي بطب المداوات
أنا طبيب الروح ما بي غوايه
يطري لي الهاجوس هاجوس الافات
عرض لي المبعد على كل رايه
ما هيب بدعه تحلق النفس شرهات
ناس غدو قدمي وناس ورايه
لولاي اوسع خاطري بالتنهات
وابصر بحالي من خلاي بخلايه
لاغدي كما المذهب ورمي بالأصوات
خبل على ما قال راع الروايه
باهل الهوى من شارب الخمر شارات
وابهم من اللي يطرد الصيد شايه
شارات راع الخمر فاقه وسكرات
والصيد ولعه ما على الله كمايه
لو أتمنى لي من المال غلات
وانفد الغلات واحصل منايه
مير المقل اضعيف ما فيه نوهات
وراع التمني مثل زراع طايه