مبايعة جدي ورثته مع الدم

ميرادها بالحزن والضيق والهم
جانا خبر له بالاذاعه طلايع
ندعي ونطلب ليت هالعلم ما تم
واثره بنشرات الفضا الصبح ذايع
ادنى بلد واقصى بلد صابه الغم
عقب البيان اللي يثير الفزايع
والدمع كنه يدفعه وافر الجم
قالوا فهد سلم جميع الودايع
صبحيّة الاثنين ودّع وسلَّم
فهد له التاريخ بالفعل رايع
في مصلحتنا وفر الكيف والكم
من شذ عن مبداه بالحق ضايع
ما يرحمه خاله ولا ينفعه عم
مرحوم يا راع الوفا والفزايع
يا اللي بجيرانه وبالشعب مهتم
في جنة الفردوس بين النوايع
مع النبي والأهل والشمل يلتم
التعزيه مرفوعة بالضرايع
لاسرة فهد كله على العهد تنضم
أكبر عزانا فيك حفظ الودايع
عبدالله اللي عنده الراي محكم
هو خادم البيتين بامر الشرايع
شرايع الإسلام تقرا وتفهم
ايضا ولي العهد بالطيب شايع
سلطان في خيره مع الناس يعلم
قالوا تبايع قلت أول مبايع
امبايعة جدي ورثته مع الدم
حنا توارثنا ثبات الطبايع
واليوم عبدالله ملكنا المعظم
العهد والاخلاص فينا زرايع
بالحق ما نصغي لمدحٍ ولا ذم
الشاعر / صالح ابن محمد العميم البقمي- عنيزة