حكام عدل

أسوأ خبر عمَّ الوطن بالفجيعه
رحيل خادم بيْت ربِّه والإسلام
فهدْ رحل كِلَّ الوسايل تذيعه
فجيعته تصدَّرت كلَّ الأعلام
عزاي للشعب السعودي جميعه
وأعزي إضعُوفه وأرامل والأيتام
عساه بالفردوس داره رفيعه
في جاه من نزّل تبارك والأنعام
خدمة إكتاب وبيت ربه شفيعه
الخير والمعروف يلقاه قِدَّام
بالخير عشنا إسنين حكمه سريعه
مرَّت كما الأيام لو كانت أعوام
عشرين وأربع عايشين بربيعه
الشعب حقق له أمانيه وأحلام
كلَّ العرب وإسلام تشكر صنيعه
ويدعي له الطايف على البيت بحرام
واليوم عبدالله عطيناه بيعه
وسلطان غيْث الخير للشَّر لطَّام
على الكتاب بكلْ حاله نطيعه
بالدِّين أمْره خادم البيت وإمام
الشعب بايع بالفجُوع الوسيعه
بقلوبهُم قبل التواقيع وأختام
خير الخلفْ معهُم وطنَّا وديعه
في ظل حكَّام السَّعد نرفع الهام
حكَّام عدْل مطبِّقين الشريعه
قرآن والسنّه مصادر للأحكام
لا ما نخاف إبليس وإلاَّ تبيعه
وحكَّامنا للبيت والدِّين خدَّام
نفخر بعُمْر باللوازم نبيعه
ونفخر بذكْر الله على خضْر الأعلام
وعِزَّ الوطن تبقى حصُونه منيعه
ويبْقون آل سعود قاده وحكَّام