عجايب إله الكون في خلق هالرجل مبان العلا والعز دايم يشيدها جميع المكارم جت له اليوم عشقته وهو ما عطت يمناه يومٍ زهيدها الشعر لا يهدى على شاعر القرن إلا إذا كانت مشاعر صيغت بقالب شعري لتقديمه إلى صاحب السمو الأمير سعود بن محمد.. وها هو زميلنا زبن بن عمير وهذه المشاعر الشعرية المتدفقة: عدد ما سمعنا من جواهر قصيدها وفهمنا بحكمه هزلها من جويدها وعدد ما نشت سحب ولاحت بروقها وعَداد الشجر والنخل واخضر جريدها سلام وتحية واحترامٍ أزفهن إلى سعود كل الوقت اقوله وأعيدها هو سعود أبو خالد ولد كاسب التقا محمد تقيّ ريف ربعه وعيدها وانا لي زمن عن نظم الاشعار منقطع بعدما سمعت الناس تهفي نشيدها ولكن بهذا اليوم جادت قريحتي ولي أملت بيوتٍ قايمه في بريدها بها أشهر ولا أخشى الناس لحظة نظمتها واطيع الإله اللي بسط كل بيدها وانا شفت ناس اموالهم صعب عدّها لهم بالبنوك أموال زايد رصيدها مساكين ما نالوا نعم في حياتهم بخيلين مال وجاه ذلٍ حصيدها عساهم فدا شيخٍ له المجد والثنا جميع المكارم عشقته هو يريدها هذاك الذي.. بابه بالاقفال ما انغلق وجاهه وماله كم من اسرة يفيدها هذاك الذي.. يدعي له الشيخ والطفل وكم من يتيمه حطها نقد بيدها والآداب.. والاشعار.. والمجد... والسخا تعطر بفعل سعود يوم يجيدها والاعراف.. والايلاف.. والحكم.. والفخر تردّد على شانه حقيقة عميدها والامثال.. والافعال.. والعرف.. والدها تزاحم على متنه ويلبس جديدها والاذكار بالاسحار وان عسعس الدجا على شفته ما فك لو يوم قيدها عجايب إله الكون في خلق ها الرجل مبان العلا والعز دايم يشيدها جميع المكارم جت له اليوم عشقته وهو ما عطت يمناه يومٍ زهيدها وانا اشهد بحبه كل من كان واعلنه وانا كيف ما حبه والانذال اكيدها واشهد على حبه من اعرف وأقولها وأشهد على حبه فضايل يصيدها واشهد على حبه ملوك بصحبتي والانذال رب الكون عنا يبيدها عسى الله يديم بحق لسعود عزّته وعسى صحة المقدام ربي يزيدها ابوخالد اللي سيرته ينشرونها لانه حريب للرذيله ضديدها أهل نجد.. وأهل الشام.. والشرق.. واليمن وذا شوف عيني والمسامع شهيدها نظرت وسمعت أقوالهم يوم وجّهوا يقولون هذا سعود من ضمن صيدها هذا سعود للاصحاب دايم يسرهم بماله.. وجاهه.. مكرمتهم يعيدها وانا اعود واستسمحك يا طيب الثنا ان كانه دخل بأبيات شعري هضيدها ولك الشكر بعد الرب ما يلحق الجزا عسى ايام عمرك خاتمتها سعيدها وعلى شكركم يا عزوتي قل ما معي من اشعار والافضال وحدك حفيدها وعسى ابيات شعري يوم هاضت تجملت وابي منك عذر الى قصرت بقصيدها
