ساس الحب

لازلت بالخاطر ولازلت بالراس
ولازلت أشوفك وين ما حطّ عيني
أنت الغلا ياسيّد الخلق والناس
وأنت السوالف بين نفسي وبيني
شفت المياه إشلون تنصب بالكاس
الكاس عمري وأنت موية سنيني
دخلت قلبي دون رنّات وأجراس
وتستاهل إقلط دام روحك تبيني
أسّست لك بالقلب مبنى على ساس
بنيته إبحبي وأساسه حنيني
تدري صدور الناس بالحب تنحاس
وتدري بصدري حب محتاس فيني
مثل الشجر لا طاح من ضربة الفاس
بالحب أحس الضرب دايم يجيني
وحبك يجيني شعر وأكتبه بإحساس
وأنشره للعالم ولك ياضنيني
والله لولا الشعر وأوراق كرّاس
ماصدّ عنّك وأتركك ترتجيني
أنا تسلّفت الجفاء رغم الافلاس
واليوم تمّ وحلّ تسديد ديني
وجبت القصيدة مثل حبذات الالماس
عقدٍ نظمته لك بأصابع يديني
وإعرف ترى شعري مع الوصل حسّاس
بالبعد بس إبعدنا يهتويني
وإلا أنت بالخاطر ومشغل لي الراس
ومن وين ما ناظرت.. عينك بعيني