أنت القوي

يا الله يا المعبود تغفر لجمعان
وتجبر عزا اللي من فراقه حزينين
وتجبر عزاء ربعه وتلطف بالاخوان
وتنزله يا الله بين الكريمين
وتجعل له الفردوس منزل ومسكان
بين الغصون اليانعة والبساتين
ويا الله عسى قبره من الخلد ريضان
والى معه في حادثة شرق حطين
تجعل لهم من واهج النار غفران
انت القوي وكل خلقك ضعيفين
يا الخالق القادر على كل ما كان
يا مصرفٍ دورات الأيام وسنين
تلطف بنا لوقف العمر ديان
وحل القضاء المحتوم ما فيه بعدين
يوماً نخل الدار من غير صفطان
ناسٍ.. تشد وناس تنزل جديدين
اقدار والاقدار من عالي الشان
لا شك حنا بالقدر دوم راضين
والله يصبركم بصبره وسلوان
ويجمعكم بجنات عدن شهيدين
ويا الله يا المعبود تغفر لجمعان
واللي معه في حادثة شرق حطين