عدوان غاشم

ويا الله عسى ما تكره النفس خيره
يا ام العواصم يا عروسه ودره
لاباس ما حرك عدوك شعيره
الثوب لو طاحت جميع الأزره
تبقى ثيابك يا العزيزه ستيره
من أمننا صاب الحقودين حره
قاموا بترويج القوى والذخيره
عدوان غاشم جا على حين غره
صاحت رياض الخير عقبه سهيره
بالمملكه وارض الرساله مقره
شله حقيره والجريمه كبيره
من يدعم المجرم ومنهو يقره
والله فلا يلقى لجرمه بريره
أنفس بريه امنه مستقره
من بينها مسلم وذمي وغيره
واطفال رضّع في مهود وأسره
وش ذنبهم يا مدعين البصيره!!؟
من كان في قلبه من الدين ذره
يندى جبينه لو يحكم ضميره
أمن وأمان وعيشة الغير مره
من يزرع الإرهاب يلقى مصيره
من رّوع الامن عساه المضره
مجرم حقير ابليس الا فجر يديره
هذا الوطن غالي ببرده وحره
بارضه سماه وشرعة الله تنيره
يا دولة الإسلام خصمك نضره
حنا رجالك بالظروف العسيرة
يا منبع الايمان خصمك نجره
جر البهيمه للسيوف الشطيره
خصمك نعرفه في جهاره وسره
حنا البهيمه للسيوف الشطيره
خصمك نعرْفه في جهاره وسره
حنا نعزك عن قناة الجزيره
أنتي مثل واضح ورمز المبره
خيرك نفع كل الشعوب الفقيره
ما هزك الحاقد بكرّه وفرّه
حولك رجالٍ دون حقك جديره
دونك رجال بالوفا مستمره
دونك أسودٍٍ بالشدايد خبيره
عيشي بامان الله عزيزه وحره
يخسى الخسيس اللي يودك أسيره
يبقى السؤال اللي بعقلي يفره
خلا عقول المجتمع بالف حيره
من دبّر الحادث علينا وجره
هل هم يهود أو من طغاة الجزيره!!؟
علي سليمان الحميدي /الزلفي